JEE Mains 2024: ఈ వారంలో జేఈఈ మెయిన్స్ సెషన్ 1 సిటీ స్లిప్పుల రిలీజ్-డౌన్ లోడ్ ఇలా..
ఈ ఏడాది జేఈఈ మెయిన్స్ (JEE Mains 2024) సెషన్ 1 పరీక్షకు సంబంధించి జాతీయ టెస్టింగ్ ఏజెన్సీ విస్తృత ఏర్పాట్లు చేస్తోంది. ఇందులో భాగంగా దరఖాస్తు చేసుకున్న వారికి అడ్మిట్ కార్డుల రిలీజ్, సిటీ స్లిప్పుల రిలీజ్ కు సిద్ధమవుతోంది. ఇప్పటికే వీటికి సంబంధించిన షెడ్యూల్ ను కూడా విడుదల చేసిన ఎన్టీఏ.. వాటికి సంబంధించిన వివరాలను ఎప్పటికప్పుడు తమ వెబ్ సైట్ లో అప్ లోడ్ కూడా చేస్తోంది.
జేఈఈ మెయిన్స్ 2024 సెషన్ 1 పరీక్షకు సంబంధించిన సిటీ స్లిప్పుల్ని ఈ వారంలో విడుదల చేసేందుకు జాతీయ టెస్టింగ్ ఏజెన్సీ సిద్ధమవుతోంది. ఇప్పటికే విడుదల చేసిన ఎగ్జామ్ నోటీసులో జనవరి రెండో వారంలో వీటిని విడుదల చేస్తామని వెల్లడించింది. అలాగే అడ్మిట్ కార్డుల్ని పరీక్ష తేదీకి మూడు రోజుల ముందు విడుదల చేయనున్నట్లు వెల్లడించింది. అయితే ఇవి రిలీజ్ అయిన తర్వాత...జేఈఈ వెబ్ సైట్ jeemain.nta.ac.in నుండి డౌన్లోడ్ చేసుకోవచ్చని తెలిపింది.
జేఈఈ మెయిన్స్ 2024కు సంబంధించిన సిటీ స్లిప్లుల్ని డౌన్ లోడ్ చేసుకునేందుకు ముందుగా అధికారిక వెబ్ సైట్ jeemain.nta.ac.in లోకి వెళ్లాల్సి ఉంటుంది. ఇందులో అప్లికేషన్ నంబర్ తో పాటు పుట్టిన తేదీని ఎంటర్ చేసి సిటీ స్లిప్పును డౌన్ లోడ్ చేసుకోవచ్చని జాతీయ టెస్టింగ్ ఏజెన్సీ వెల్లడించింది. ఈ సిటీ స్లిపుల్లో అభ్యర్ధులు జేఈఈ పరీక్షా కేంద్రాలు ఉన్న నగరాల గురించి తెలుసుకోవచ్చు. అలాగే ఇందులో పరీక్ష తేదీ , షిఫ్ట్ టైమింగ్, రిపోర్టింగ్ సమయం , పరీక్ష రోజు
పాటించాల్సిన మార్గదర్శకాలు, ఇతర సమాచారం ఉంటాయి.
Click it and Unblock the Notifications
Sign in with Google