రూ.55 వేల జీతంతో ప్రభుత్వ ఉద్యోగాలు.. లాస్ట్ డేట్ ఎప్పుడంటే ??

భారత ప్రభుత్వ రక్షణ మంత్రిత్వ శాఖకు చెందిన భారత్ ఎలక్ట్రానిక్స్ లిమిటెడ్ (BEL) కేరళలో ప్రాజెక్ట్ ఇంజినీర్ పోస్టుల భర్తీకి నోటిఫికేషన్ విడుదల చేసింది. హోమ్‌ల్యాండ్ సెక్యూరిటీ అండ్ స్మార్ట్ సిటీ బిజినెస్ విభాగం (HLS&SCB SBU) పరిధిలో ఈ నియామకాలు జరుగుతాయి. మొత్తం 12 ప్రాజెక్ట్ ఇంజినీర్-I ఖాళీలను తాత్కాలిక ప్రాతిపదికన భర్తీ చేయనున్నారు. ఆసక్తి గల అభ్యర్థులు ముందుగా ఆన్‌లైన్ ద్వారా దరఖాస్తు చేసుకోవాలి.

అర్హతలు..

గుర్తింపు పొందిన విశ్వవిద్యాలయం నుంచి బీఈ / బీటెక్ / బీఎస్సీ ఇంజినీరింగ్ (కనీసం నాలుగు సంవత్సరాలు) పూర్తి చేసిన వారు అర్హులు. ఎలక్ట్రానిక్స్, ఎలక్ట్రికల్, కంప్యూటర్ సైన్స్, ఐటీ వంటి విభాగాల్లో డిగ్రీ ఉండాలి. అలాగే ఫిబ్రవరి 1, 2026 నాటికి కనీసం రెండేళ్ల సంబంధిత పారిశ్రామిక అనుభవం తప్పనిసరి. సంబంధిత టెక్నికల్ నైపుణ్యాలు మరియు ప్రాజెక్ట్ అనుభవం ఉన్న వారికి ప్రాధాన్యత ఉంటుంది.

వయోపరిమితి..

అభ్యర్థుల వయస్సు ఫిబ్రవరి 1, 2026 నాటికి 32 సంవత్సరాలకు మించకూడదు. ప్రభుత్వ నిబంధనల ప్రకారం ఎస్సీ/ఎస్టీ అభ్యర్థులకు 5 సంవత్సరాలు, ఓబీసీ అభ్యర్థులకు 3 సంవత్సరాలు, దివ్యాంగులకు 10 సంవత్సరాల వరకు సడలింపు వర్తిస్తుంది. వయస్సు ధృవీకరణకు టెన్త్ మెమో లేదా జనన సర్టిఫికేట్ సమర్పించాలి.

వేతనం & ప్రయోజనాలు..

ఎంపికైన అభ్యర్థులకు కాంట్రాక్ట్ కాలంలో నెలవారీ వేతనం క్రమంగా పెరుగుతుంది:

1వ సంవత్సరం - ₹40,000

2వ సంవత్సరం - ₹45,000

3వ సంవత్సరం - ₹50,000

4వ సంవత్సరం - ₹55,000

వేతనంతో పాటు ఇన్సూరెన్స్, ఏరియా అలవెన్స్, ఇతర ప్రయోజనాలు అందుతాయి. వార్షిక ఇంక్రిమెంట్లు పనితీరు ఆధారంగా నిర్ణయిస్తారు.

ఎంపిక విధానం..

దరఖాస్తుల స్క్రీనింగ్ అనంతరం అభ్యర్థులను రాత పరీక్షకు (85 మార్కులు) ఆహ్వానిస్తారు. అందులో ప్రతిభ కనబరిచిన వారిని 1:5 నిష్పత్తిలో ఇంటర్వ్యూకు (15 మార్కులు) పిలుస్తారు. అకాడమిక్ రికార్డు, రాత పరీక్ష, ఇంటర్వ్యూ మార్కుల ఆధారంగా తుది ఎంపిక జరుగుతుంది.

దరఖాస్తు విధానం & ముఖ్య తేదీలు..

అభ్యర్థులు ₹400 దరఖాస్తు ఫీజు చెల్లించాలి. ఎస్సీ, ఎస్టీ, దివ్యాంగులకు ఫీజు మినహాయింపు ఉంది.

ఆన్‌లైన్ దరఖాస్తు ప్రారంభం - ఫిబ్రవరి 18, 2026

చివరి తేదీ - మార్చి 9, 2026

దరఖాస్తు పూర్తి చేసిన తర్వాత ప్రింట్ తీసుకుని, తదుపరి దశల కోసం అవసరమైన ఒరిజినల్ సర్టిఫికేట్లు సిద్ధంగా ఉంచుకోవాలి.

ఇతర ముఖ్య సమాచారం..

ఈ ప్రాజెక్టులు కేరళలోని పలు ప్రాంతాల్లో అమలవుతాయి. రక్షణ రంగ ప్రభుత్వ సంస్థలో కెరీర్ ప్రారంభించాలనుకునే ఇంజినీరింగ్ గ్రాడ్యుయేట్లకు ఇది మంచి అవకాశం. పూర్తి వివరాలు మరియు దరఖాస్తు కోసం BEL అధికారిక కెరీర్ పేజీ www.bel-india.in/careers/ సందర్శించాలి. అర్హతలు, నిబంధనలు పూర్తిగా పరిశీలించిన తర్వాతే దరఖాస్తు చేయాలని అధికారులు సూచించారు.

English summary

Golden opportunity for candidates with technical background. The famous government organization Bharat Electronics Limited (BEL) has once again released a big advertisement. A total of 12 job vacancies will be filled through this notification.