NALCO Jobs: నాల్కోలో భారీ రిక్రూట్‌మెంట్: 10వ తరగతి అర్హతతో కొలువులు

నేషనల్ అల్యూమినియం కంపెనీ లిమిటెడ్ (NALCO) సంస్థ 2025 సంవత్సరానికి సంబంధించి నాన్-ఎగ్జిక్యూటివ్ పోస్టుల భర్తీ కోసం తాజా నోటిఫికేషన్ విడుదల చేసింది. మొత్తం 518 ఖాళీలను భర్తీ చేయనున్నారు. ఈ నోటిఫికేషన్ వివిధ ఉద్యోగాల కోసం ఆసక్తి గల అభ్యర్థులకు గొప్ప అవకాశాన్ని అందిస్తుంది.

ఖాళీల వివరాలు:
మొత్తం 518 ఖాళీలలో ఈ నోటిఫికేషన్ కింద వివిధ పోస్టులను భర్తీ చేయనున్నారు. వాటిల్లో ల్యాబొరేటరీ 37 పోస్టులు, ఆపరేటర్ 226 పోస్టులు, ఫిట్టర్ 73 పోస్టులు, ఎలక్ట్రికల్ 63 పోస్టులు, ఇన్‌స్ట్రుమెంటేషన్/ఇన్‌స్ట్రుమెంట్ మెకానిక్‌లో 48 పోస్టులు, జియాలజిస్ట్ సెక్షన్‌లో 4 పోస్టులు, హెచ్‌ఈఎమ్‌ఎమ్ ఆపరేటర్ విభాగంలో 9 పోస్టులు, మైనింగ్ 1 పోస్టు, మైనింగ్ మేట్‌లో 15 పోస్టులు, మోటార్ మెకానిక్ 22 పోస్టులు, డ్రెస్సర్ మరియు ఫస్ట్ ఎయిడర్ విభాగంలో 5 పోస్టులు, ల్యాబొరేటరీ టెక్నీషియన్ గ్రేడ్ III సెక్షన్‌లో 2 పోస్టులు , నర్సు గ్రేడ్ III 7 పోస్టులు, ఫార్మసిస్ట్ గ్రేడ్ III 6 పోస్టులకు నోటిఫికేషన్ జారీ చేసింది.

అర్హతలు- వయో పరిమితి :
ప్రతి పోస్టుకు సంబంధించిన విద్యార్హతలు భిన్నంగా ఉంటాయి. ఉదాహరణకు, ల్యాబొరేటరీ పోస్టులకు B.Sc, ఆపరేటర్, ఫిట్టర్, మోటార్ మెకానిక్ పోస్టులకు 10వ తరగతి మరియు ITI అర్హత అవసరం. నర్సు మరియు ఫార్మసిస్ట్ పోస్టులకు సంబంధిత ఫార్మసీ లో డిప్లొమా లేదా డిగ్రీ చేసి ఉండాలి. వీటిల్లో ట్రెయినీ పోస్టులకు గరిష్ట వయసు 27 సంవత్సరాలు కాగా ఇతర పోస్టులకు గరిష్ట వయస్సు 34 సంవత్సరాలు ఉండాలి. SC/ST/OBC అభ్యర్థులకు ప్రభుత్వ నియమాల ప్రకారం వయో సడలింపు లభిస్తుంది.

ఎంపిక ప్రక్రియ:
ఈ పోస్టులకు ఎంపిక ప్రక్రియ కంప్యూటర్ ఆధారిత పరీక్ష (CBT) ద్వారా జరుతుంది. అభ్యర్థుల విద్యార్హతలు , సామర్థ్యాల ఆధారంగా ఈ పరీక్ష నిర్వహించబడుతుంది. ట్రేడ్-సంబంధిత ఉద్యోగాలకు ఇది వర్తిస్తుంది.

దరఖాస్తు విధానం:
ఆసక్తి గల అభ్యర్థులు డిసెంబర్ 31, 2024 నుండి జనవరి 21, 2025 వరకు నేషనల్ అల్యూమినియం కంపెనీ అధికారిక వెబ్‌సైట్ (www.nalcoindia.com) ద్వారా ఆన్‌లైన్‌లో దరఖాస్తు చేసుకోవాలి.

దరఖాస్తు రుసుము:
జనరల్, OBC, EWS అభ్యర్థులకు: ₹100
SC/ST/PWD అభ్యర్థులకు: రుసుము లేదు.

ముఖ్య తేదీలు:
దరఖాస్తు ప్రారంభ తేదీ: డిసెంబర్ 31, 2024
దరఖాస్తు చివరి తేదీ: జనవరి 21, 2025
CBT పరీక్ష తేదీ: ఫిబ్రవరి 2025లో నిర్వహించబడుతుంది (తేదీ త్వరలో ప్రకటించబడుతుంది).

జీతం వివరాలు
ఎంపికైన అభ్యర్థులకు కంపెనీ నియమాల ప్రకారం ఆకర్షణీయమైన జీతభత్యాలు, ఇతర ప్రయోజనాలు అందజేయబడతాయి.

మరింత సమాచారం
పూర్తి వివరాల కోసం నేషనల్ అల్యూమినియం కంపెనీ అధికారిక వెబ్‌సైట్ (www.nalcoindia.com) సందర్శించండి. ఈ అవకాశాన్ని ఉపయోగించుకోవాలనుకునే అభ్యర్థులు త్వరగా దరఖాస్తు చేసుకోగలరు. పరీక్షకు కావలసిన సన్నద్ధతకు సంబంధిత విషయాలను ముందుగానే పరిశీలించండి. అన్ని అర్హతలు, రిక్రూట్‌మెంట్ ప్రక్రియలు కంపెనీ నియమాల ప్రకారం మార్పులకు లోబడి ఉంటాయి.

English summary

NALCO Massive Job Recruitment Notification for 518 Vacancies