నా కొడుకు చనిపోవాలని కోరుకున్నా.. అదే జరిగింది కానీ !

తెలుగు సినీ ఇండస్ట్రీలో తనదైన నటనతో ప్రేక్షకుల్లో మంచి గుర్తింపు తెచ్చుకున్నారు ప్రసాద్ బాబు. ఒకప్పుడు హీరోగా, విలన్‌గా, క్యారెక్టర్ ఆర్టిస్టుగా ఎన్నో పాత్రలలో నటించి మంచి పేరు తెచ్చుకున్నారు. బాపు దర్శకత్వం వహించిన 'మన ఊరి పాండవులు', రజనీకాంత్ నటించిన 'అంతులేని కథ' చిత్రాల్లో ఆయన పాత్రలు ప్రేక్షకులకు గుర్తుండిపోయేలా చేశాయి. చిరంజీవి, నాగార్జున, బాలకృష్ణ, వెంకటేష్ వంటి సీనియర్ హీరోలతో పాటు.. ప్రభాస్, మహేష్ బాబు నేటి తరం హీరోలతో కూడా పనిచేశారు.

అలానే సినిమాలకే పరిమితం కాకుండా బుల్లితెరపై కూడా అనేక సీరియల్స్ మెరిశారు. 'నిన్నే పెళ్లాడతా' (జెమిని టీవీ), 'జయం' (ఈటీవీ), 'చిన్న కోడలు' (జీ తెలుగు), 'రాములమ్మ' (మా టీవీ) వంటి సీరియల్స్‌లో కీలకపాత్రలు పోషించారు.

నా కొడుకు చనిపోవాలనుకున్న...

రీసెంట్ గా ఒక ఇంటర్వ్యూలో ప్రసాద్ బాబు చేసిన వ్యాఖ్యలు సర్వత్రా చర్చనీయాంశంగా మారాయి. తన కొడుకు గురించి చెబుతూ ఎమోషనల్ అయ్యారు. నా కొడుకు మానసిక వికలాంగుడు. వాడు మాట్లాడలేడు. వాడిని ఎంతో జాగ్రత్తగా చూసుకునేవాడిని. నేను చనిపోయాక వాడిని ఎవరు చూసుకుంటారు అనే భయంతోనే.. తాను బతికుండగానే చనిపోవాలని కోరుకున్నాను.

ఒకసారి క్రికెట్ ఆడుతుండగా వడదెబ్బతో వాడికి హార్ట్ స్ట్రోక్ వచ్చి అక్కడే చనిపోయాడు. అప్పుడు నా వయసు 30 ఏళ్లు. వాడు చనిపోయిన బాధకన్నా.. వాడికి భవిష్యత్తులో వచ్చే ఇబ్బందులు ఉండవని అనిపించి కొంత సంతోషం కూడా కలిగింది అని చెప్పుకొచ్చారు.

కుటుంబం..

ప్రసాద్ బాబు మరో కుమారుడు శ్రీకర్ అనేక సీరియల్స్‌లో నటిస్తూ మంచి పేరు తెచ్చుకున్నాడు. శ్రీకర్ భార్య సంతోషిణి కూడా హీరోయిన్‌గా కెరీర్ ప్రారంభించింది. 'జై' (డైరెక్టర్ తేజ), 'నువ్వు వస్తానంటే నేనొద్దంటానా' చిత్రాల్లో నటించిన ఆమె.. వివాహం తర్వాత సినిమాలకు బ్రేక్ ఇచ్చింది. ప్రస్తుతం ప్రసాద్ బాబు కూడా సీరియల్స్‌లో నటిస్తూ బిజీగా ఉన్నారు.

చిరుతో రూమ్ షేరింగ్..

ఒకప్పుడు తెలుగు సినీ ఇండస్ట్రీ మొత్తం చెన్నైలో ఉండేది. అప్పట్లో ప్రసాద్ బాబు, సుధాకర్, నారాయణ రావు, చిరంజీవి ఒక్కరూమ్‌లో ఉండేవాళ్లు. ప్రసాద్ బాబుకి మొదట్లో మంచి హీరో అవకాశాలు వచ్చాయి. సుధాకర్, నారాయణ రావు, చిరంజీవిలు ఆయన సినిమాల్లో చిన్నచిన్న పాత్రలు చేశారు. ఆ తర్వాత చిరంజీవి హీరోగా అంచెలంచెలుగా ఎదిగి మెగాస్టార్ అయ్యారు.

English summary

Prasad Babu has gained a good reputation among the audience with his acting in the Telugu film industry. Recently, Prasad Babu's comments in an interview became a topic of discussion everywhere. He became emotional while talking about his son.