"అనగనగా ఆస్ట్రేలియాలో" రివ్యూ ..హాలీవుడ్ స్థాయిలో తెలుగు త్రిల్లర్..!
సహాన ఆర్ట్స్ క్రియేషన్స్ బ్యానర్పై తారక రామ్ దర్శకత్వంలో తెరకెక్కిన సినిమానే "అనగనగా ఆస్ట్రేలియాలో". జ్యోతినాథ్ గౌడ్, శాన్య భత్నగర్, రిషి, చంద్రశేఖర్ కొమ్మలపాటి, ప్రభా అగ్రజా వంటి ఆస్ట్రేలియాలో సెటిలైన కొత్త నటీనటులు, ఈ సినిమాతో పరిచయం అవుతున్నారు. ఇటీవలే విడుదలైన ట్రైలర్కు మంచి స్పందన లభించడంతో ఈ సినిమాపై అంచనాలు పెరిగిపోయాయి. తారక రామ దర్శకత్వంలో రూపొందిన ఈ చిత్రం, రియల్ లొకేషన్లలో షూట్ చేయబడిన నెవర్-సీన్-బిఫోర్ థ్రిల్లర్గా ప్రేక్షకుల ముందుకు వచ్చింది.ఆస్ట్రేలియాలో పూర్తిగా చిత్రీకరించిన ఈ మిస్టరీ థ్రిల్లర్ శుక్రవారం ప్రేక్షకుల ముందుకొచ్చింది. మరి ఈ సినిమా ఎలా ఉందో ఈ సమీక్ష ద్వారా తెలుసుకునే ప్రయత్నం చేద్దాం.
కథ
హీరో (ఒక క్యాబ్ డ్రైవర్) సింపుల్ లైఫ్ లీడ్ చేస్తున్నాడు. మరోవైపు హీరోయిన్ తన చదువుకోసం చిన్న చిన్న అసైన్మెంట్స్ రాసి డబ్బులు సంపాదిస్తూ తన ఫీజులు కడుతుంది.
ఇదే సమయంలో ఒక రాజకీయ నేత తన కొడుకుని పాలిటిక్స్లోకి తీసుకురావాలని చూస్తాడు. కానీ ఒక రహస్యం కారణంగా అది సాధ్యం కాదు. అదే రహస్యాన్ని వెతికి తెచ్చేందుకు ఒక క్రిమినల్ని హైర్ చేస్తారు.ఓ రోజు, హీరోయిన్ తన అసైన్మెంట్ డబ్బులు తీసుకోవడానికి ఓ వ్యక్తి రూమ్కి వెళ్తుంది. అయితే పొరపాటున ఓ క్రిమినల్ రూమ్లోకి వెళ్లి, అక్కడ చిన్నగా కొన్నీ సామాను దొంగిలిస్తుంది. అసలు విషయం ఏంటంటే.. ఆ రూమ్లోనే పెద్ద స్కామ్ నడుస్తోంది. తెలియకుండానే ఆమె ఆ క్రిమినల్ కేసులో ఇరుక్కుంటుంది.
విశ్లేషణ:
ఈ సినిమా పూర్తి థ్రిల్లింగ్ ఎలిమెంట్స్తో సాగుతుంది. కామెడీ, రొమాన్స్, స్కామ్ బ్యాక్డ్రాప్ - అన్నీ బ్యాలెన్స్ చేస్తూ కథ సాగుతుంది. క్లైమాక్స్ ట్విస్ట్ ఆకట్టుకుంటుంది. మ్యూజిక్, స్క్రీన్ప్లే, నటన - అన్ని ప్రధానమైన బలాలుగా నిలుస్తాయి.
ప్లస్ పాయింట్స్:
కథలో థ్రిల్లింగ్ టచ్
కామెడీ ఎలిమెంట్స్
హీరో, హీరోయిన్ మధ్య కెమిస్ట్రీ
సస్పెన్స్ఫుల్ క్లైమాక్స్
మైనస్ పాయింట్స్:
కొన్ని సీన్స్ మరింత గ్రిప్పింగ్గా ఉంటే బాగుండేది
లాజిక్ లోపాలు కొంతవరకు కనబడుతాయి
క్లైమాక్స్:
క్లైమాక్స్లో అసలు సీక్రెట్ బయటికొస్తుంది. హీరోయిన్ దొంగిలించిన వస్తువుల్లో ఉన్న మెమొరీ కార్డ్లో పెద్ద స్కామ్ వీడియో ఉంటుంది - ఆ పొలిటిషన్ కొడుకు నిజంగా ఎవరో తెలుసుకుని, దాన్ని బ్రోకర్కి అమ్మి డబ్బు తీసుకుంటారు. కానీ చివరికి ఆ డబ్బు కూడా స్కామ్ అవుతుంది. మన హీరో, హీరోయిన్ చేతిలో ఏమీ మిగలదు.
కానీ... హీరో ప్లాన్ చెసి చివరికి డబ్బు తిరిగి తెచ్చుకుంటాడు. ఇలా స్టోరీ ఓ ఇంట్రెస్టింగ్ ట్విస్ట్తో ముగుస్తుంది.
ఫైనల్గా
మంచి స్కామ్ థ్రిల్లర్ సినిమాలను ఇష్టపడేవారికి ఈ సినిమా కొత్త అనుభూతిని ఇస్తుంది. కామెడీ, థ్రిల్, రొమాన్స్ కలిపిన ఓ ఇంట్రెస్టింగ్ స్క్రిప్ట్ ఇది. మీరు థ్రిల్లింగ్ ఎలిమెంట్స్తో పాటు కాస్త వినోదాన్ని ఆస్వాదించాలని అనుకుంటే, ఈ సినిమా ఓ మంచి ఆప్షన్.
Rating : 2.75
Click it and Unblock the Notifications
Sign in with Google