అతని కోసమే వెయిటింగ్.. పెళ్లిపై యాంకర్ శ్రీముఖి షాకింగ్ కామెంట్స్ !!

శ్రీముఖి.. తెలుగు బుల్లితెరపై తనదైన శైలితో ప్రేక్షకులను అలరిస్తూ ఫుల్ క్రేజ్ సొంతం చేసుకుంది. కెరీర్‌ను చిన్న వయసులోనే ప్రారంభించి, అతి తక్కువ కాలంలోనే అత్యధిక పారితోషికం తీసుకునే యాంకర్లలో ఒకరిగా ఎదిగింది. తన అద్భుతమైన వాక్చాతుర్యం, గలగలా మాట్లాడే తత్వం.. స్టేజ్ మీద ఆమె చూపించే ఎనర్జీ ప్రేక్షకులను కట్టిపడేస్తాయి. 'అదుర్స్' వంటి షోలతో ప్రయాణం మొదలుపెట్టినప్పటికీ.. మల్లెమాల ప్రొడక్షన్స్ లో వచ్చిన 'పటాస్' షో ఆమె కెరీర్‌ను మలుపు తిప్పింది. ఆమెకు 'రాములమ్మ' అనే పేరు కూడా ఈ షో ద్వారానే పాపులర్ అయింది.

దీంతో ఆమెకు వరుసగా టాప్ ఛానల్స్‌లో అవకాశాలు రావడం మొదలైంది. స్టార్ మా, ఈటీవీ, జీ తెలుగు వంటి ప్రముఖ ఛానల్స్‌లో ప్రైమ్ టైమ్ షోలకి ఆమె ఫస్ట్ ఛాయిస్‌గా మారారు. 'ఆదివారం విత్ స్టార్ మా పరివారం', 'సా రి గ మ ప', 'స్టార్ట్ మ్యూజిక్' వంటి షోల ద్వారా ఆమె తన యాంకరింగ్ రేంజ్‌ను మరింత విస్తరించారు. టెలివిజన్‌తో పాటు వెండితెరపై కూడా Sreemukhi తన ప్రయాణాన్ని కొనసాగించారు. 2012లో విడుదలైన Julayiలో Allu Arjun చెల్లెలి పాత్రతో సినిమాల్లోకి ఎంట్రీ ఇచ్చారు. ఆ తర్వాత Prema Ishq Kaadhal చిత్రంలో హీరోయిన్‌గా నటించి తన అదృష్టాన్ని పరీక్షించుకున్నారు. Nenu Sailajaలో Ram Pothineni సోదరిగా నటించి మంచి గుర్తింపు తెచ్చుకున్నారు.

ఇక Bigg Boss Telugu Season 3లో పాల్గొనడం Sreemukhi కెరీర్‌లో మైలురాయిగా నిలిచింది. ఈ షోలో ఆమె చూపించిన పట్టుదల, టాస్క్‌లలో పోరాటం ప్రేక్షకులను విపరీతంగా ఆకట్టుకుంది. టైటిల్ గెలవకపోయినా రన్నరప్‌గా నిలిచి, కోట్లాది అభిమానులను సంపాదించారు. ఈ షో తర్వాత ఆమెకు వచ్చిన క్రేజ్ రెట్టింపు అయ్యి, పెద్ద షోల హోస్టింగ్ అవకాశాలు వరుసగా దక్కాయి. ఇక ఇప్పుడు టెలివిజన్, సినిమాల తర్వాత Sreemukhi కొత్తగా వ్యాపార రంగంలోకి కూడా ఎంట్రీ ఇచ్చింది.

కాగా 33 ఏళ్లు వచ్చినప్పటికీ ఇంకా పెళ్లి చేసుకొని ఈ భామ మధ్య మధ్యలో సినిమాల్లో కూడా నటిస్తూ ప్రేక్షకులను అలరిస్తోంది. సమంత ప్రధాన పాత్రలో తెరకెక్కిన 'మా ఇంటి బంగారం' సినిమాలో శ్రీముఖి కీలక పాత్రలో నటించింది. ఈ చిత్రం జూన్ 19న ప్రేక్షకుల ముందుకు రానుంది. సినిమా విడుదల సందర్భంగా నిర్వహించిన ప్రీ రిలీజ్ ఈవెంట్‌లో శ్రీముఖి తన వ్యక్తిగత జీవితానికి సంబంధించిన ఆసక్తికర విషయాలను పంచుకుంది.

పెళ్లిపై క్లారిటీ..

ఈ సందర్భంగా మాట్లాడిన శ్రీముఖి.. ఈ సినిమా ప్రారంభమైన సమయంలో సమంత పెళ్లి జరిగింది. ఇప్పుడు ఈ సినిమా విడుదలకు సిద్ధమవుతోంది. ఈ చిత్రం రిలీజై బ్లాక్‌బస్టర్ హిట్ సాధించిన తర్వాత నా పెళ్లి కూడా జరగాలని కోరుకుంటున్నాను అని చెప్పింది. పెళ్లి కొడుకు కోసం వెయిటింగ్‌లో ఉన్నాను. సరైన వ్యక్తి దొరికిన వెంటనే పెళ్లి చేసుకుంటాను. పెళ్లి కోసం ఎదురుచూస్తున్నాను" అని శ్రీముఖి తేల్చేసింది. ప్రస్తుతం ఆమె చేసిన ఈ వ్యాఖ్యలు సోషల్ మీడియాలో వైరల్ అవుతున్నాయి.

English summary

Sreemukhi has become a full-fledged craze on Telugu television, entertaining the audience with her unique style. She started her career at a young age and rose to become one of the highest-paid anchors in a very short period of time.