46 అంతర్జాతీయ అవార్డులు గెలుచుకున్న ఏకైక తెలుగు సినిమా
ట్రైలర్తోనే అంచనాలు పెంచిన 'అర్జున్ చక్రవర్తి' చిత్రం, ఎమోషనల్ కథతో థియేటర్లలోకి వచ్చింది. విజయ రామరాజు హీరోగా నటించిన ఈ సినిమా, విడుదలకి ముందే 46 అంతర్జాతీయ అవార్డులను గెలుచుకుని అందరి దృష్టిని ఆకర్షించింది. మరి ఈ సినిమా అంచనాలను అందుకుందా లేదా చూద్దాం.
కథ
అనాథ అయిన అర్జున్ చక్రవర్తిని మాజీ కబడ్డీ ప్లేయర్ రంగయ్య పెంచుకుంటాడు. తన గురువులాగే అర్జున్ కూడా కబడ్డీ ప్లేయర్ అయి, భారత జట్టుకు ఆడాలని కలలు కంటాడు. ఈ ప్రయాణంలో అతనికి దేవకి (సిజా రోజ్)తో ప్రేమ చిగురిస్తుంది. అయితే స్టేట్ టోర్నీకి వెళ్లినప్పుడు తన ప్రేయసి వేరొకరిని పెళ్లి చేసుకోవడం, అదే సమయంలో రంగయ్య మరణించడం అర్జున్ను తీవ్రంగా కుంగదీస్తుంది. మరి ఈ కష్టాల నుంచి బయటపడి అర్జున్ తన కలను ఎలా నెరవేర్చుకున్నాడు.
అనేది సినిమా కథ.
విశ్లేషణ
'అర్జున్ చక్రవర్తి' ఒక కబడ్డీ ప్లేయర్ నిజ జీవిత కథ ఆధారంగా రూపొందిన సినిమా. దర్శకుడు విక్రాంత్ రుద్ర, కబడ్డీని కేవలం ఒక ఆటగా కాకుండా, ఒక క్రీడాకారుడి జీవితాన్ని ప్రతిబింబించేలా ఈ కథను అద్భుతంగా రాసుకున్నారు. కథనం ఆకట్టుకునేలా ఉన్నప్పటికీ, రివర్స్ స్క్రీన్ ప్లే కొంత గందరగోళానికి గురిచేస్తుంది. అయినప్పటికీ, ఎమోషనల్ సన్నివేశాలు ప్రేక్షకులను కట్టిపడేస్తాయి.
హీరో విజయ రామరాజు పడిన కష్టం తెరపై స్పష్టంగా కనిపిస్తుంది. కథకు తగ్గట్టుగా శరీరాన్ని మార్చుకోవడం, కబడ్డీ కోసం ప్రత్యేకంగా శిక్షణ తీసుకోవడం అతని అంకితభావానికి నిదర్శనం. హీరోయిన్ సిజా రోజ్ తన పాత్రలో ఒదిగిపోయింది. దయానంద్ రెడ్డి, అజయ్ వంటి ఇతర నటీనటులు మంచి ప్రదర్శన ఇచ్చారు. విఘ్నేష్ భాస్కరన్ సంగీతం, బ్యాక్ గ్రౌండ్ స్కోర్ సినిమాకి బలం చేకూర్చాయి. సినిమాటోగ్రఫీ కూడా చాలా రిచ్గా ఉంది.
చివరి మాట
కబడ్డీ నేపథ్యంలో తెలుగులో మంచి సినిమాలు రావడం లేదని బాధపడేవారికి 'అర్జున్ చక్రవర్తి' తప్పకుండా నచ్చుతుంది. ఇది కేవలం క్రీడా చిత్రం మాత్రమే కాదు, ఒక క్రీడాకారుడి భావోద్వేగాలను, కలలను ప్రతిబింబించే హృద్యమైన చిత్రం. మొత్తం మీద, ఈ సినిమా ఎమోషనల్గా ప్రేక్షకులను కనెక్ట్ చేయడంలో సఫలమైంది.
Click it and Unblock the Notifications
Sign in with Google