వేణు స్వామిలో ఈ యాంగిల్ కూడా ఉందా..?
Venu Swamy: రెండు తెలుగు రాష్ట్రాలకు పరిచయం అక్కర్లేని పేరు.. వేణు స్వామి. సెలెబ్రిటీ హోదా ఉన్న ప్రముఖ జ్యోతిష్యుడు. జాతకాలు చెప్పడం దిట్ట. కొమ్ములు తిరిగిన రాజకీయ నాయకులు మొదలుకుని హీరో- హీరోయిన్ల వరకూ అందరి తలరాతలను ఇట్టే చదివేస్తారనే పేరుంది.
బీఆర్ఎస్ నాయకురాలు కల్వకుంట్ల కవిత అరెస్ట్ అయ్యే అవకాశం ఉందంటూ గతంలోనే అంచనా వేశారాయన. ఆయన చెప్పినట్టే ఢిల్లీ మద్యం కుంభకోణం కేసులో కవిత అరెస్టయిన విషయం తెలిసిందే. ప్రస్తుతం ఢిల్లీ తీహార్ జైలులో ఉంటోన్నారు. ఎన్ఫోర్స్మెంట్ డైరెక్టరేట్ అధికారుల విచారణను ఎదుర్కొంటోన్నారు. కొణిదెల నీహారికా విడాకుల గురించీ ముందే చెప్పారాయన.
వాస్తవ రూపాన్ని దాల్చిన అలాంటి జ్యోతిష్యాలన్నీ కూడా వేణు స్వామికి సెలెబ్రిటీ హోదాను తెచ్చి పెట్టాయి. దానికి అనుగుణంగా నిత్యం వార్తల్లోకెక్కుతుంటారు. తళుక్కున మెరుస్తుంటారు. ఆయనను ఇంటర్వ్యూ చేసే యూట్యూబ్ ఛానళ్లకు లెక్కే లేదు. 2024 ఎన్నికల్లో ముఖ్యమంత్రి వైఎస్ జగన్మోహన్ రెడ్డి గెలుస్తారనీ అంచనా వేశారు.
సోషల్ మీడియాలో కూడా చాలా యాక్టివ్గా ఉంటారు వేణు స్వామి. తాజాగా తన భార్య, ప్రముఖ వీణ విద్వాంసురాలు వీణా శ్రీవాణితో కలిసి చేసిన రీల్స్ వైరల్గా మారాయి. జ్యోతిష్యుడిగా కనిపించే వేణు స్వామి ఇందులో పూర్తి డిఫరెంట్ గెటప్లో దర్శనం ఇచ్చారు. మోడ్రన్ సెయింట్గా కనిపించారు.
మిర్చీ సినిమాలో ప్రభాస్- అనూష్క శర్మ మధ్య సాగే ఓ రొమాంటిక్ సన్నివేశానికి రీమేక్ చేశారు వేణు స్వామి దంపతులు. చదువుకున్న అమ్మాయి అయితే బెటర్ అంటూ వేణు స్వామి పలికిన డైలాగ్కు వీణా శ్రీవాణి చిలిపిగా కౌంటర్ ఇచ్చారీ రీల్లో. ఇది సోషల్ మీడియాలో వైరల్గా మారింది.
Click it and Unblock the Notifications
Sign in with Google