ఇండస్ట్రీలో కమిట్మెంట్ ఇచ్చిన అవకాశాలు ఇవ్వరు ..బిగ్‌బాస్ బ్యూటీ షాకింగ్ కామెంట్స్

సినిమా ఇండస్ట్రీలో లైంగిక వేధింపుల గురించి కొత్తగా చెప్పాల్సిన పనిలేదు. ఇండస్ట్రీలో కాస్టింగ్ కౌచ్ ఉందని చాలామంది బహిరంగంగానే వెల్లడించారు. తమకు ఎదురైన కాస్టింగ్ కౌచ్ గురించి హీరోయిన్లు, క్యారెక్టర్ ఆర్టిస్టులు పలు సందర్భాల్లో బయటపెట్టడం జరిగింది.గతంతో పోలిస్తే ఇటీవల నటులు తమకు ఎదురైన లైంగిక వేధింపుల గురించి ధైర్యంగా చెబుతున్నారు.

తాజాగా బిగ్‌బాస్ బ్యూటీ హిమజ ఇండస్ట్రీలో జరిగే కాస్టింగ్ కౌచ్, కమిట్మెంట్ గురించి స్పందించారు. హిమజ ఇటీవల ఒక ఇంటర్వ్యూలో మాట్లాడుతూ..ఇండస్ట్రీలో తెలుగు అమ్మాయిలకు పెద్దగా అవకాశాలు రావడం లేదని తెలిపారు. తెలుగు అమ్మాయిలు రిజర్వ్‌డ్‌గా ఉంటారని కొందరు అభిప్రాయపడుతున్నారని..కానీ ఇది తప్పని ఇప్పటికే రుజువైందని హిమజ ఈ ఇంటర్య్వూలో పేర్కొన్నారు. ఇక్కడ ఇంకో విషయం ఏమిటంటే కమిట్మెంట్ ఇస్తేనే ఆఫర్లు వస్తాయనేది ఓ రూమర్ మాత్రమే అని హిమజ తెలిపింది.

కమిట్మెంట్ ఇచ్చిన వాళ్లందరికీ ఆఫర్స్ రావడం లేదు.. అలాగే అవకాశాలు వచ్చిన వారందరూ కమిట్మెంట్ ఇచ్చినట్టు కాదని హిమజ చెప్పుకొచ్చారు. చాలామంది తెలుగు అమ్మాయిలకు అవకాశాలు వస్తున్నాయి.కానీ ఆ అవకాశాలను వినియోగించుకోవడంలో మనవాళ్లు ఫెయిల్ అవుతున్నారని హిమజ తెలిపారు. కొందరు అత్యాశ కారణంగా అవకాశాలను వదులుకుంటున్నారని హిమజ చెప్పుకొచ్చారు. ఇండస్ట్రీలో కాస్టింగ్ కౌచ్, కమిట్మెంట్‌పై బిగ్‌బాస్ నటి హిమజ చేసి కామెంట్స్ ప్రస్తుతం సోషల్ మీడియాలో వైరల్‌గా మారాయి.

English summary

Bigg Boss Beauty himaja responded on casting couch and commitment.