దేవగుడి రివ్యూ: కుల వ్యవస్థపై 'కత్తి' ఎత్తిన ప్రేమకథ

Devagudi కథ:

దేవగుడి గ్రామానికి పెద్ద దిక్కు వీరారెడ్డి (రఘు కుంచె). గ్రామంలో అందరినీ ఆదరించే గుణం ఉన్నా, కులం విషయంలో మాత్రం ఆయనది కఠిన వైఖరి. తన అనుచరుడి కొడుకు ధర్మ (అభినవ్ శౌర్య), తన కొడుకు (నరసింహ) ప్రాణ స్నేహితులుగా ఉండటమే ఆయనకు నచ్చదు. అలాంటిది, తన కూతురు శ్వేత (అనుశ్రీ) ధర్మతో ప్రేమలో పడిందని తెలిసి వీరారెడ్డి ఆగ్రహంతో ధర్మను ఊరి నుంచి గెంటిస్తాడు. ఆ తర్వాత శ్వేత మాయం కావడం, వీరారెడ్డిపై ప్రత్యర్థుల దాడులు.. ఈ గందరగోళం మధ్య ప్రేమికులు ఏమయ్యారు? వీరారెడ్డి మనసు మారిందా లేదా? అనేదే మిగతా సినిమా.

విశ్లేషణ:

ఈ సినిమా పాయింట్ వినడానికి మనకు పాత సినిమాలను గుర్తు చేసినా, దర్శకుడు బెల్లం రామకృష్ణా రెడ్డి మలచిన విధానం ఆకట్టుకుంటుంది. ముఖ్యంగా..మనిషి అంతరిక్షానికి వెళ్తున్నా, ఇంకా కులాల చుట్టూనే ఎందుకు తిరుగుతున్నాడనే పాయింట్‌ను దర్శకుడు బలంగా ప్రశ్నించారు.ఉన్న బడ్జెట్‌లో సినిమాని ఎక్కడా రాజీ పడకుండా రిచ్ విజువల్స్‌తో తెరకెక్కించారు. ఫైట్స్, సాంగ్స్ మాస్ ఆడియన్స్‌ను అలరిస్తాయి.కథ కొంతవరకు ఊహించదగ్గదిగా ఉన్నప్పటికీ, ఎక్కడా బోర్ కొట్టకుండా జాగ్రత్త పడ్డారు.

నటీనటుల ప్రతిభ:

ఈ సినిమాకు ప్రధాన బలం రఘు కుంచె నటన. వీరారెడ్డి పాత్రలో ఆయన గాంభీర్యం, రాజసం అద్భుతంగా పండాయి.అభినవ్ శౌర్య, అనుశ్రీ ఇద్దరూ కొత్త వారైనా మెప్పించారు. ముఖ్యంగా ఎమోషనల్ సీన్స్‌లో వారి నటన సహజంగా ఉంది. రఘుబాబు, రాకెట్ రాఘవ తమదైన శైలిలో నవ్వులు పూయించారు.

సాంకేతిక వర్గం:

మదిన్ సంగీతం సినిమాకు ప్లస్ పాయింట్. పాటలు వినడానికే కాదు, చూడటానికి కూడా బాగున్నాయి. బ్యాక్ గ్రౌండ్ స్కోర్ సీన్లలో తీవ్రతను పెంచింది. నిర్మాణ విలువలు సినిమాను ఒక కమర్షియల్ లెవల్‌లో నిలబెట్టాయి.

ప్లస్ పాయింట్స్:
రఘు కుంచె పవర్‌ఫుల్ నటన.

కుల వ్యవస్థపై సంధించిన ప్రశ్నలు.

ఆకట్టుకునే సంగీతం, విజువల్స్.

మైనస్ పాయింట్స్:
రెగ్యులర్ ఫ్యాక్షన్ డ్రామా అనిపించడం.

ప్రిడిక్టబుల్ క్లైమాక్స్.

చివరి మాట:
మీరు పక్కా కమర్షియల్ ఎలిమెంట్స్ ఉన్న సోషల్ డ్రామా సినిమాలను ఇష్టపడితే, 'దేవగుడి' మీకు మంచి ఎంపిక. కులం కంటే మానవత్వం గొప్పదని చాటి చెప్పే ఈ చిత్రాన్ని థియేటర్లో ఒకసారి చూడొచ్చు.

మా రేటింగ్: 2.75/5