కల్యాణ్ రామ్ కు ఆ హీరోయిన్ ఎంతో సెంటిమెంట్?

నంద‌మూరి హీరో క‌ళ్యాణ్‌రామ్(nandamuri kalyanram) వ‌రుస ప్లాపుల నుంచి గట్టెక్కి బింబిసార సినిమాతో సూప‌ర్ హిట్ కొట్టాడు. ఈ మూవీ క‌ళ్యాణ్ రామ్ కెరీర్‌లోనే బిగ్గెస్ట్ హిట్ గా నిలిచింది. అంతేకాదు.. సీతారామం లాంటి సూప‌ర్ హిట్ సినిమా పోటీగా ఉన్నా కూడా రు. 50 కోట్ల వ‌సూళ్లు రాబ‌ట్టింది. సంయుక్త మీన‌న్‌ (samyuktha menon), కేథ‌రిన్ థెస్రా హీరోయిన్లుగా న‌టించారు.

ఇటీవ‌లి కాలంలో సంయుక్త మీన‌న్ అంటే తెలుగు చలనచిత్ర పరిశ్రమలో ల‌క్కీ హీరోయిన్‌ అనే పేరు సంపాదించుకుంది. సార్‌, భీమ్లానాయ‌క్‌, విరూపాక్ష‌, బింబిసార లాంటి హిట్ల‌తో దూసుకుపోతోంది. ఆమె మరోసారి క‌ళ్యాణ్‌రామ్ డెవిల్ సినిమాలో న‌టించింది. అభిషేక్ పిక్చ‌ర్స్ ప‌తాకంపై అభిషేక్ నామా స్వీయ‌ద‌ర్శ‌క‌త్వంలో ఈ సినిమా తెర‌కెక్కింది.

ముందుగా ఈ సినిమాకు ద‌ర్శ‌కుడిగా అనుకున్న న‌వీన్ మేడారంకు నిర్మాత‌కు పొసగడకపోవడంతో అభిషేక్ నామా తానే ద‌ర్శ‌కుడిగా మారారు. క‌ళ్యాణ్‌రామ్ బ్రిటీష్ సీక్రెట్ ఏజెంట్‌గా న‌టిస్తున్నాడు. సినిమా క‌థ‌, క‌థ‌నాలు బాగున్నాయనే టాక్ పరిశ్రమలో న‌డుస్తోంది. యానిమ‌ల్‌ సినిమాతో అంద‌రి దృష్టి ఆక‌ర్షించిన హ‌ర్ష‌వ‌ర్థ‌న్ రామేశ్వ‌ర్ ఈ సినిమాకు సంగీతాన్ని అందిస్తున్నారు. సంయుక్త మీన‌న్ మ‌రోసారి క‌ళ్యాణ్‌రామ్ పాలిట ల‌క్కీ హీరోయిన్ అవుతుందంటున్నారు. ఈ నెల 29న దీన్ని విడుదల చేస్తున్నారు.

నందమూరి కల్యాణ్ రామ్ ప్రస్తుతం హీరోగా నటిస్తూనే నిర్మాతగా సినిమాలు నిర్మిస్తున్నారు. బింబిసార తర్వాత జూనియర్ ఎన్టీఆర్ హీరోగా నటిస్తున్న పాన్ ఇండియా చిత్రం దేవరను మరో నిర్మాత మిక్కిలినేని సుధాకర్ తో కలిసి రూపొందిస్తున్నారు. బింబిసార్ 2 చిత్రం తీయడానికి జీ5తో ఒప్పందం ఉంది. అయితే డైరెక్టర్ వశిష్ట చిరంజీవితో చిత్రం రూపొందిస్తున్నారు. వశిష్ట దర్శకత్వంలోనే నిర్మిస్తారా? లేదా? అనేది తేలాలంటే మరో మూడునెలలు ఎదురుచూడక తప్పదు.

English summary

Nandamuri Kalyan Ram's heroine Samyukta Menon has become very sentimental.