మరోసారి కోలీవుడ్ స్టార్ హీరో అజిత్ కు ప్రమాదం.. ఈసారి మాత్రం !

కోలీవుడ్ స్టార్ హీరో అజిత్ కుమార్ మరోసారి రేసింగ్ ప్రమాదం నుంచి తప్పించుకున్నారు. బెల్జియంలో ఇటీవల నిర్వహించిన "సర్క్యూట్ డి స్పా-ఫ్రాంకోరాఛాంప్స్" అనే ఇంటర్నేషనల్ రేసింగ్ ఈవెంట్‌లో పాల్గొన్న అజిత్, ఆ సమయంలో జరిగిన ప్రమాదం నుంచి అద్భుతంగా బయటపడ్డారు. రేసింగ్ ట్రాక్‌పై అజిత్ కారు నియంత్రణ కోల్పోయి ఒక్కసారిగా ట్రాక్ బయటకు దూసుకెళ్లింది. అయితే ఈ ఘటనలో ఆయన సురక్షితంగా బయటపడడంతో అందరూ ఊపిరిపీల్చుకుంటున్నారు. అజిత్ కార్ రేసింగ్ లో ప్రమాదానికి గురి కావడం ఇది మూడోసారి.

వరుస ప్రమాదాలు..

'అజిత్‌ కుమార్ రేసింగ్‌' పేరుతో ఇటీవలే అజిత్ తన రేసింగ్‌ టీమ్‌ను ప్రకటించాడు. జనవరిలో జరిగిన '24హెచ్‌ దుబాయ్‌' కారు రేసింగ్‌లో అజిత్ టీమ్ మూడో స్థానంలో నిలిచింది. కానీ ఈ రేసింగ్ లోనే అజిత్ వరుసగా ప్రమాదాలకు గురికావడం అభిమానులను ఆందోళనకు గురి చేస్తోంది. దుబాయ్‌లో జరిగిన గ్రాండ్ ప్రీ రేస్ కోసం ప్రాక్టీస్ చేస్తుండగా అజిత్ కారు గోడను బలంగా ఢీకొట్టింది. ఆ తర్వాత స్పెయిన్‌లో జరిగిన మరో రేస్‌లో పక్కనే వస్తున్న మరో కారును తప్పించబోయి పల్టీలు కొట్టింది. ఇప్పుడు జరిగిన ఘటనతో మూడోసారి కూడా ప్రమాదం జరిగినట్టు అయ్యింది. ఈ ప్రమాదాల్లో అజిత్ కు గాయాలు కాకపోవడం ఊరట నిస్తోంది.

ఇక ఇప్పుడు మూడో సారి జరిగిన ఈ ప్రమాదానికి సంబంధించిన వీడియోను ఆయన టీమ్ స్వయంగా ఇన్ స్టాలో షేర్ చేసింది. అయితే రేసుల్లో ఇలాంటి ప్రమాదాలు సాధారణమేనని.. ఎవరూ కంగారు పడొద్దని అజిత్ సందేశం ఇచ్చినట్లు తెలుస్తోంది.

ఇక రీసెంట్ గానే అజిత్ నటించిన 'గుడ్ బ్యాడ్ అగ్లీ' మూవీ రిలీజై హిట్ టాక్ తెచ్చుకుంది. అధిక్‌ రవిచంద్రన్‌ దర్శకత్వం వహించిన ఈ సినిమాలో త్రిష హీరోయిన్ గా నటించింది. రూ.200 కోట్ల క్లబ్‌లోకి ఎంట్రీ ఇచ్చిన ఈ మూవీ అజిత్‌ కెరీర్‌లోనే బిగ్గెస్ట్‌ హిట్‌గా నిలిచింది. సినిమాలు ఒకవైపు, రేసింగ్ మరోవైపు... అజిత్ తన ఇష్టాలను, ప్యాషన్‌ను బ్యాలెన్స్ చేస్తూ ముందుకు సాగుతున్నారని అంటున్నారు.

English summary

Kollywood star hero Ajith Kumar has once again escaped from a racing accident. Ajith's car lost control on the racing track and suddenly went off the track. This video was shared by his team on Instagram.