విజయ్ - రష్మిక "కొడవ" పెళ్లి.. ఎలా జరిగింది ? ఏంటి స్పెషాలిటీ ??

యంగ్ హీరో విజయ్ దేవరకొండ - స్టార్ బ్యూటీ రష్మిక మందన్న వివాహం అంగరంగ వైభవంగా జరిగింది. వీరిద్దరి వివాహం ఈరోజు ( ఫిబ్రవరి 26, 2026 ) ఉదయం ఉదయ్ పూర్ లోని ఐటీసీ హోటల్లో నిర్వహించారు. ఈ పెళ్లికి సినీప్రముఖులు, సన్నిహితులు హాజరైనట్లు సమాచారం. అంతే కాకుండా ఈ పెళ్లిలో నో ఫోన్ పాలసీని సైతం అమలు చేశారు. మరీ ముఖ్యంగా ఈ వివాహ వేడుక ఓ ప్రత్యేకతను చాటుకుంది. విజయ్ తెలుగు సంప్రదాయాలను, రష్మిక కూర్గ్‌లోని కొడవ వలస వారసత్వాన్ని కలిపి.. ఈ వివాహాన్ని రెండు విభిన్న సాంస్కృతిక గుర్తింపుల అందమైన సమ్మేళనంగా జరుపుకున్నట్టు తెలుస్తోంది. ఈ క్రమంలోనే కొడవ వివాహం అంటే ఏమిటి ? ఇది ఇతర హిందూ వివాహ సంస్కారాల నుండి ఎలా భిన్నంగా ఉంటుంది? అనే చర్చ జరుగుతోంది.

కాగా కొడగు జిల్లా (కూర్గ్)లోని కొడవ సమాజం నుంచే ఈ వివాహాలు ఉద్భవించాయి. ప్రధాన హిందూ ఆచారాలకు విరుద్ధంగా, కొడవ వివాహాలు కుటుంబ సంప్రదాయాలు, పూర్వీకుల పట్ల గౌరవం, వారి సైనిక వారసత్వంపై ఆదరపడి ఉంటాయి. చారిత్రాత్మక సైనిక వారసత్వం, విలక్షణమైన ఆచారాలకు ప్రసిద్ధి చెందిన కొడవర్లు, విస్తృతమైన వేద ఆచారాల కన్నా కుటుంబ ఆశీర్వాదాలకు, సామూహిక అనుబంధానికి ప్రాధాన్యతనిస్తారు.

ఏడడుగులు..

ఈ వివాహంలో పవిత్ర అగ్ని (అగ్నిహోత్రం) లేదా పూజారులు నిర్వహించే సుదీర్ఘ అగ్నిప్రదక్షిణలు ఉండవు. బదులుగా, వేడుక సరళంగా, సన్నిహితంగా, ఎక్కువగా కుటుంబ పెద్దలచే నిర్వహించబడుతుంది. సంస్కృత మంత్రాలు, పూజారుల పఠనాలకు బదులు, ఆచారాలు ప్రతీకాత్మక అనుగ్రహాలు, ఆశీర్వాదాలు, సాంస్కృతిక గుర్తింపుపై దృష్టి పెడతాయి.

మంగళ స్నానం..

కొడవ వివాహ ఆచారాలలో 'మంగళ స్నానం' ముఖ్యమైనది. పెళ్లి రోజున వధూవరులకు కుటుంబ పెద్దలు పసుపు, నూనె, పవిత్ర జలాలతో స్నానం చేయిస్తారు. సాంప్రదాయ పాటల మధ్య జరిగే ఈ ఆచారం శుద్ధి చేసి, వైవాహిక జీవితానికి సిద్ధం చేస్తుంది.

'కన్నికె' ఆచారం..

'కన్నికె' మరో భావోద్వేగ ఆచారం. వధువు ఇందులో పెద్దల ఆశీర్వాదం తీసుకుంటుంది, ఇది కృతజ్ఞతకు, కొత్త జీవిత దశలోకి అడుగు పెట్టడానికి సిద్ధంగా ఉన్న సంకేతం. ముఖ్యంగా రష్మిక, విజయ్ వంటి అంతర-సంస్కృతిక వివాహాలలో, పూల దండల మార్పిడి, మంగళసూత్రం కట్టడం వంటి ఆధునిక హిందూ ఆచారాలను కూడా కొడవ సంప్రదాయంతో పాటించినట్టు తెలుస్తోంది.

వస్త్రధారణ..

కొడవ వధువు వస్త్రధారణ సాధారణ దక్షిణ భారతీయ చీరకట్టు శైలులకు భిన్నంగా ఉంటుంది. తరచుగా ఎరుపు లేదా తెలుపు రంగులో, బంగారు అంచులతో కూడిన పట్టు చీరను ముందు భాగంలో కాకుండా వెనుకకు మడతలతో ధరిస్తారు. ఇది సమాజ సైనిక నేపథ్యం నుండి ఉద్భవించిన ధైర్యం, సంసిద్ధతను సూచిస్తుంది. భారీ బంగారు దేవాలయ ఆభరణాలు, వెనుకకు పిన్‌చేసిన ముసుగు, సాంప్రదాయ 'జోమల' నడుము బెల్టు ఆమె రాజసం లాంటి రూపాన్ని పూర్తి చేస్తాయి. ఈ వేడుకలో కుప్పుస దుస్తులు, తలపాగ ధరించనున్నారు. యోధ సంప్రదాయానికి చిహ్నంగా పీచే కట్టి అనే కత్తి ధరించడం ముఖ్య ఆచారం. వధువు కోర్గి శైలిలో చీర కట్టడం ప్రత్యేక ఆకర్షణంగా నిలుస్తుంది.

విందులో ప్రత్యేకత..

అలానే ఈ పెళ్లిలో విందులు, సంస్కాపరమైన ఏర్పాట్లకు బదులు, కొడవ వివాహాలు శక్తివంతమైన జానపద సంప్రదాయాలతో నిండి ఉంటాయి. 'వాలగ' డ్రమ్స్‌ లయబద్ధమైన శబ్దాలు, యుద్ధ నృత్యాలు, సామూహిక పాటలు వేడుకకు ఉత్సాహాన్ని నింపుతాయి. చారిత్రాత్మకంగా, పండుగ కార్యక్రమాలలో గౌరవార్థక తుపాకీ కాల్పులు కూడా ఉండేవి, అయితే ప్రస్తుతం తగ్గించబడ్డాయి. అరటి ఆకుల్లో విందు, సంప్రదాయ అలంకరణలు ఈ ప్రత్యేక ఆకర్ణగా నిలిచాయి. గన్ సెల్యూట్స్ కూడా ఆ వేడుకలో భాగమే. అయితే ఇప్పుడు దానిని అనుసరించడం క్రమంగా తగ్గిపోతుంది. ప్రస్తుతం ఈ పెళ్లి వ్యవహారం సినీ వర్గాల్లో హాట్ టాపిక్ గా మారింది.

English summary

Young hero "Vijay Deverakonda" - star beauty "Rashmika" have become one. The most loved couple, who have been secretly in love for years, took the first step with a wedding ceremony today.