నాగ చైతన్య వల్లే ఆ సినిమా ఫ్లాప్..దర్శకుడు షాకింగ్ కామెంట్స్

అక్కినేని నట వారసుడుగా ఎంట్రీ ఇచ్చాడు నాగచైతన్య. తాత, తండ్రి వారసత్వాన్ని నాగచైతన్య కొనసాగిస్తారని అభిమానులంతా భావించారు. అయితే నాగచైతన్య హీరోగా నిలబడటానికి నానా తంటాలు పడుతున్నాడు. నాగచైతన్య ఇప్పటి వరకు చాలా సినిమాల్లో నటించాడు . కానీ హిట్ కొట్టింది మాత్రం చాలా చాలా తక్కువే అని చెప్పాలి. చైతన్య కెరీర్‌లో ఇప్పటి వరకు బ్లాక్ బ్లాస్టర్ హిట్ ఒక్కటి కూడా లేదు. హిట్ కొట్టిన సినిమాల్లో కూడా స్టోరీ పరంగాను హీరోయిన్ పరంగాను హిట్ అయినవే ఎక్కువ అనే టాక్ ఇండస్ట్రీలో ఉంది.

నాగచైతన్య వ్యక్తిగత జీవితం కూడా అంత గొప్పగా ఏం లేదు. హీరోయిన్‌ సమంతను ప్రేమించి పెళ్లి చేసుకున్న నాగచైతన్య..కొద్దిరోజులకే ఆమెకు విడాకులిచ్చాడు. తర్వాత హీరోయిన్ శోభిత ధూళిపాళతో రిలేషన్ మెయిన్‌టైన్ చేస్తూ..ఆమెను వివాహం చేసుకోవడానికి రెడీ అవుతున్నాడు. ఇటీవల వీరిద్దరి నిశ్చితార్థం జరిగింది. ఇదిలా ఉంటే నాగ చైతన్య కెరీర్‌లోనే అత్యంత డిజాస్టర్‌గా 'కస్టడి' మూవీ నిలిచింది. అసలు ఈ సినిమా ఎప్పుడు వచ్చిందో కూడా తెలియని పరిస్థితి. తాజాగా ఈ సినిమా ఫలితంపై దర్శకుడు వెంకట్ ప్రభు స్పందించారు.

ఈ సినిమాలో తన తప్పు ఏం లేదని వెంకట్ ప్రభు తెలిపారు. ఈ సినిమా కథలో నిర్మాతలు, హీరో ఇన్వాల్వ్ కావడంతోనే కస్టడి ఫ్లాప్‌గా నిలిచిందనే అర్థం వచ్చేలా ఆయన మాట్లాడారు. 'మానాడు' వంటి బ్లాక్ బ్లస్టర్ తర్వాత వెంకట్ ప్రభు దర్శకత్వం వహించిన సినిమా కావడంతో కస్టడిపై భారీ అంచనాలు ఏర్పడ్డాయి. అయితే ఆ అంచనాలను అందుకోవడంలో ఈ సినిమా ఘెరంగా ఫెయిల్ అయింది. దీంతో 'కస్టడి' నాగ చైతన్య కెరీర్‌లోనే భారీ డిజాస్టర్‌గా నిలిచింది. ఇక వెంకట్ ప్రభు తాజాగా ఇళయ దళపతి విజయ్ హీరోగా 'గోట్' అనే సినిమాను తెరకెక్కించారు.ఈ సినిమా కూడా ప్లాప్ టాక్‌ను సొంతం చేసుకుంది.

English summary

director venkat prabhu reacts on Naga Chaitanya custody movie result.