నీలాంటి వాడిని ఇండస్ట్రీ నుంచి తరిమేయాలి

టాలీవుడ్ లో విలన్‌గా, సపోర్టివ్‌ క్యారెక్టర్లలో తనదైన నటనతో ప్రేక్షకులను ఆకట్టుకుంటూ తనకంటూ ఓ ప్రత్యేక స్థానం ఏర్పరుచుకున్నాడు నటుడు శ్రీకాంత్ అయ్యాంగర్. అయితే తెరపై ఎంత స్థిరంగా ఉన్నా తెర వెనుక మాత్రం శ్రీకాంత్ ఎప్పుడూ వివాదాలతో సహజీవనం చేస్తూ ఉంటాడు. ఏపీలో జగన్ ప్రభుత్వం ఉన్న సమయంలో బూమ్ బూమ్ బీర్లపై ఆయన చేసిన వీడియో వైరల్‌తో పాటు వివాదాస్పదమైంది. ఆ తర్వాత సినీ జర్నలిస్టులు క్రిముల కంటే నీచమైన వాళ్లంటూ ఆయన కామెంట్స్ చేయడం, సినీ జర్నలిస్టులు ఆయనపై కంప్లైంట్ చేయడం, ఎవరేమి చేసుకున్నా తాను వెనక్కి తగ్గేది లేదంటూ స్టేట్‌మెంట్ ఇవ్వడం ఇలా చాలా వ్యవహారం నడిచింది.

తనపై ఎంత ట్రోలింగ్ జరిగినా శ్రీకాంత్ తన అభిప్రాయం చెప్పడంలో అస్సలు వెనుకాడడు. ఇండస్ట్రీలో ఎలాంటి వివాదం రేగినా దానిపై తనదైన స్టైల్లో రియాక్ట్ అవుతాడు. ఈ నేపథ్యంలోనే తాజాగా ఆయన మరో వివాదంలో చిక్కుకున్నాడు.అక్టోబర్ 2న గాంధీ జయంతి సందర్భంగా మహాత్మా గాంధీపై శ్రీకాంత్ చేసిన వ్యాఖ్యలు సోషల్ మీడియాలో వైరల్‌గా మారాయి. ఆ వీడియోలో గాంధీని తీవ్రంగా విమర్శించిన శ్రీకాంత్ 'స్వాతంత్ర్యం గాంధీ తీసుకురాలేదు, అది సుభాష్ చంద్రబోస్, భగత్ సింగ్ వంటి వీరుల త్యాగఫలం' అని అన్నారు.

అంతేకాక 'గాంధీ ఎంతోమందిని లైంగికంగా వేధించాడని చరిత్ర చెబుతోంది' అంటూ సంచలన వ్యాఖ్యలు చేశారు. తన వ్యాఖ్యలపై వస్తున్న విమర్శలపై శ్రీకాంత్ స్పందిస్తూ 'నేను ఏ పోస్ట్ పెట్టినా కామెంట్లు వస్తాయి. వాటిని పెద్దగా పట్టించుకోను. కానీ గాంధీ గురించి నేను చెప్పింది నిజం' అంటూ మరోసారి వివాదాస్పద వ్యాఖ్యలు చేశారు. గాంధీ తన నిగ్రహాన్ని పరీక్షించుకునేందుకు 16 ఏళ్ల అమ్మాయిని నగ్నంగా పడుకోబెట్టాడు.

వాడు మహాత్ముడా'. గాంధీ స్వాతంత్యం తెచ్చాడన్నది అబద్ధం. సుభాష్ చంద్రబోష్, భగత్‌సింగ్ లాంటి వాళ్లు లక్షల మంది ప్రాణాలు అర్పిస్తే స్వాతంత్యం వచ్చింది. మేం భరతమాత బిడ్డలం. ఆయన జాతిపిత ఏంటి?. ఆయన జాతిపిత అయితే నేను బాస్టర్డ్ సిటిజెన్' అంటూ రెచ్చిపోయాడు శ్రీకాంత్ అయ్యంగార్. అయితే గాంధీ లాంటి మహాత్ముడిని అన్నేసి మాటలు అనడానికి నీకు నోరెలా వచ్చిందని కొందరు నెటిజన్లు ఆయన్ని తిడుతున్నారు. నీలాంటి వాడిని ఇండస్ట్రీలో ఆఫర్స్ రాకుండా తరిమేయాలి అంటూ ఘాటుగానే రియాక్ట్ అవుతున్నారు. మరికొందరు మాత్రం గాంధీ గురించి ఆయన చెప్పిదంతా నిజమేనని మద్దతు పలుకుతున్నారు.

English summary

Actor Srikanth Iyengar has always coexisted with controversies.