ఆ స్టార్ హీరోతో ముద్దు సీన్ కోసం నాలుగు టేక్స్ తీసుకున్నా - తెలుగు నటి

తెలుగు చిత్ర పరిశ్రమలో విభిన్న పాత్రల్లో నటించి ప్రేక్షకుల్లో గుర్తింపు తెచ్చుకుంది "అనూజా రెడ్డి". దాదాపు 250 సినిమాలతో టాలీవుడ్‌లో తనదైన ముద్ర వేసుకుంది. వ్యక్తిగత కారణాలతో సుమారు 20 సంవత్సరాల పాటు ఇండస్ట్రీకి దూరంగా ఉంది. ఇప్పుడు మళ్లీ రీ-ఎంట్రీ ఇవ్వాలని భావిస్తున్న ఆమె, మరో 250 సినిమాల్లో నటించే శక్తి తనలో ఇంకా ఉందని చెప్పడం సినీ వర్గాల్లో ఆసక్తిని రేకెత్తిస్తోంది. మంచి క్యారెక్టర్లు, కథలో బలం ఉన్న పాత్రలు లభిస్తే తప్పకుండా నటిస్తానని వెల్లడించింది. దీంతో ఆమె రీ-ఎంట్రీపై ఇప్పుడు సినీ వర్గాల్లో చర్చ నడుస్తోంది. దీంతో ఈ వ్యవహారం హాట్ టాపిక్ గా మారింది.

సినిమాలకు దూరంగా ఉన్న సమయంలో అనూజా రెడ్డి పలు టెలివిజన్ సీరియల్స్‌లో నటించి మంచి గుర్తింపు తెచ్చుకుంది. టీవీ ప్రేక్షకుల్లో ఇప్పటికీ ఆమెకు మంచి ఫాలోయింగ్ ఉందని, అదే తనకు మళ్లీ ధైర్యం ఇచ్చిందని ఆమె తెలిపింది. ఇటీవల ఓ ప్రముఖ యూట్యూబ్ ఛానెల్‌కు ఇచ్చిన ఇంటర్వ్యూలో అనూజా రెడ్డి తన సినీ ప్రయాణం, ఇండస్ట్రీకి దూరంగా ఉన్న రోజులు, ప్రస్తుత టాలీవుడ్ పరిస్థితి, భవిష్యత్ ప్రణాళికల గురించి పలు ఆసక్తికర విషయాలను వెల్లడించింది.

యూట్యూబ్ ఇంటర్వ్యూలో ఆసక్తికర వ్యాఖ్యలు..

తాను ఒకప్పుడు నిరంతరం షూటింగ్స్‌తో బిజీగా ఉండేదానినని తెలిపింది. ఆ రోజుల్లో పాత్రలు చూసుకోకుండా వరుసగా సినిమాలు చేశానని.. అయితే కాలక్రమేణా పరిస్థితులు మారడంతో ఇండస్ట్రీకి కొంత గ్యాప్ తీసుకోవాల్సి వచ్చిందని చెప్పుకొచ్చింది. కానీ ఇండస్ట్రీకి దూరంగా ఉన్నప్పటికీ.. ఇప్పటికీ అభిమానులు తనను గుర్తు పెట్టుకుని ప్రేమ చూపిస్తున్నారని ఎమోషనల్ అయ్యారు. ఇండస్ట్రీలో కొత్త డైరెక్టర్లు, ప్రొడ్యూసర్లు ఎక్కువయ్యారని.. పాత నటీనటులను కొంతవరకు మర్చిపోయిన పరిస్థితి ఉందని వాపోయింది. కానీ అభిమానులు తమను గుర్తు పెట్టుకుంటున్నారని ఆమె వ్యాఖ్యానించింది. రీ-ఎంట్రీపై మాత్రం స్పష్టమైన కండిషన్స్ ఉన్నాయని ఓపెన్ అయ్యింది.

సూపర్ స్టార్ కృష్ణతో నటించిన అనుభవం..

ఇక సూపర్ స్టార్ కృష్ణతో కలిసి నటించిన అనుభవాన్ని కూడా ఆమె గుర్తు చేసుకుంది. ఒక సినిమాలో కృష్ణతో కలిసి చేసిన ముద్దు సీన్‌కు కేవలం 4 టేకులే తీసుకున్నానని.. ఆ రోజు తనకు ఇప్పటికీ గుర్తుందని చెప్పింది. అప్పటి షూటింగ్ డిసిప్లిన్, ప్రొఫెషనలిజం గురించి ఆమె ప్రత్యేకంగా ప్రస్తావించింది. అలానే మహేష్ బాబు తన ఫేవరెట్ హీరో అని చెప్పింది. మరి దర్శకులు ఈమెకు ఛాన్స్ ఇస్తారో లేదో చూడాలి.

English summary

"Anuja Reddy" has gained recognition among the audience by acting in various roles in the Telugu film industry. She has made her mark in Tollywood with nearly 250 films. She was away from the industry for about 20 years due to personal reasons.