పూరి స్కెచ్ మామూలుగా లేదుగా.. విజయ్ సేతుపతితో మూవీలో ఆ హాట్ బ్యూటీ ?

టాలీవుడ్ స్టార్ డైరెక్టర్ పూరి జగన్నాథ్ - కోలీవుడ్ హీరో విజయ్ సేతుపతి కాంబినేషన్ లో ఓ సినిమా తెరకెక్కనున్న విషయం తెలిసిందే. ఇటీవల ఉగాది సందర్భంగా ఆ వివరాలను పూరి కనెక్ట్స్‌ నిర్మాణ సంస్థ సోషల్ మీడియా వేదికగా పోస్ట్ చేశారు. పాన్‌ ఇండియా స్థాయిలో ఈ సినిమాని తెరకెక్కిస్తున్నట్టు తెలుస్తోంది. తెలుగు సినిమా పరిశ్రమలో తనకంటూ ప్రత్యేక స్థానం ఏర్పరుచుకున్నారు ప్రముఖ దర్శకుడు పూరీ జగన్నాథ్. కేవలం డైరెక్టర్ గానే కాకుండా రచయితగా, నిర్మాతగా టాలీవుడ్ లో ఆయనకు సపరేట్ ఫ్యాన్ బేస్ ఉంది.

కానీ పూరి జగన్నాథ్ గత చిత్రాలు లైగర్, ఇస్మార్ట్ శంకర్ బాక్సాఫీస్ వద్ద ఘోర పరాజయాన్ని పొందాయి. మరోవైపు విజయ్ సేతుపతి మాత్రం మహారాజా, విడుదల పార్ట్ 2 చిత్రాలతో మంచి సక్సెస్ అందుకున్నారు. ప్రస్తుతం ఏస్, ట్రైన్ వంటి చిత్రాల్లో నటిస్తున్నారు. దీంతో విజయ్ సేతుపతి.. ఫ్లాప్ లలో ఉన్న పూరితో సినిమా తీయడం ఏంటని తమిళ తంబీలు సోషల్ మీడియా వేదికగా అసహనాన్ని వ్యక్తం చేస్తున్నారు. కానీ పూరి మేకింగ్ గురించి బాగా తెలిసిన తెలుగు ఆడియన్స్ ఆయన కమ్ బ్యాక్ ఇస్తే రికార్డులు తిరగరాయడం పక్కా అంటూ సపోర్ట్ గా నిలుస్తున్నారు.

ఈ క్రమంలోనే పూరి - విజయ్ సేతుపతి కాంబినేషన్ లో తెరకెక్కబోయే సినిమా గురించి ఫిల్మ్ సర్కిల్స్ లో ఓ ఇంట్రెస్టింగ్ న్యూస్ వినిపిస్తుంది. రీసెంట్ గా మూవీ గురించి అఫిషియల్ అనౌన్స్ మెంట్ ఇచ్చినప్పుడు సినిమాకి సంబంధించి త్వరలోనే పూర్తి వివరాలు అనౌన్స్ చేస్తామని ప్రకటించారు. కానీ లేటెస్ట్ గా అందుతున్న సమాచారం మేరకు ఈ చిత్రం కోసం పూర్తి పెద్ద ప్లాన్ వేసినట్టు తెలుస్తోంది. ఈ సినిమాలో టాలీవుడ్ సీనియర్ హీరోయిన్ టబు కీలకపాత్రలో కనిపించనున్నారని టాక్ నడుస్తోంది.

సినిమాలో ఓ పవర్ ఫుల్ క్యారెక్టర్ పూరి ఆమెను ప్రత్యేకంగా ఆహ్వానించారని చర్చ నడుస్తోంది. స్క్రిప్ట్ నచ్చడంతో టబు సైతం ఈ సినిమా చేసేందుకు ఒప్పుకున్నారని తెలుస్తోంది. ప్రస్తుతం హిందీలో వరుస సినిమాలు, వెబ్ సిరీస్ లు చేస్తూ బిజీగా ఉంది టబు. దాంతో చాలా కాలం తర్వాత ఇప్పుడు పూరి జగన్నాథ్, విజయ్ సేతుపతి సినిమాతో సౌత్ ఇండస్ట్రీలోకి రీఎంట్రీ ఇవ్వనుందని భావిస్తున్నారు. దీంతో ఈ సినిమాపై అంచనాలు మరింత పెరిగాయి. ఈ విషయం గురించి త్వరలోనే అధికారిక ప్రకటన రానున్నట్లు ప్రచారం జరుగుతోంది.

On this auspicious day of #Ugadi ✨🙏🏻
Embarking on an electrifying new chapter with a sensational collaboration 🔥

Dashing Director #PuriJagannadh and powerhouse performer, Makkalselvan @VijaySethuOffl join forces for a MASTERPIECE IN ALL INDIAN LANGUAGES ❤️‍🔥

Produced by Puri… pic.twitter.com/Hvv4gr0T2Z

— Puri Connects (@PuriConnects) March 30, 2025

ఉప్పెన, సైరా సినిమాల్లో నటనతో తెలుగు ప్రేక్షకుల్లో తనకంటూ ఒక ప్రత్యేక గుర్తింపు పొందారు మక్కల్ సెల్వన్ విజయ్ సేతుపతి . ఇక దళపతి విజయ్ హీరోగా వచ్చిన 'మాస్టర్ ' సినిమాలో తన విలనిజంతో అందర్నీ ఆకట్టుకున్నాడు. రీసెంట్ గానే మహారాజా సినిమాతో బ్లాక్ బస్టర్ హిట్ అందుకున్నాడు. తమిళంతో పాటు తెలుగులో కూడా ఈ చిత్రం భారీ విజయాన్ని దక్కించుకుంది.

English summary

It is known that a film will be made in the combination of Tollywood star director Puri Jagannath and Kollywood hero Vijay Sethupathi. An interesting news is being heard in film circles about this movie.