దుమ్ములేపుతున్న మూవీ.. భారీగా పెరిగిన కలెక్షన్స్..

టాలీవుడ్ యంగ్ హీరోల్లో వరుస హిట్స్ కొట్టేవారిలో శ్రీవిష్ణు టాప్ ప్లేస్ లో ఉన్నాడు. ఒకదాన్ని మించి మరోకటి ఇలా వరుస హిట్స్ తో దూసుకెళ్తున్నాడు. యూత్ ఫుల్ ఎంటర్ టైనర్ మూవీస్ తో ఇప్పటికే యువతలో తనకంటూ ఓ ప్రత్యేకమైన గుర్తింపును తెచ్చుకున్నాడు. తన కామెడీ టైమింగ్, స్టోరీ సెలక్షన్ తో అటు ఫ్యామిలీ ఆడియన్స్ ను సైతం మెప్పిస్తున్నాడు. ఇక తాజాగా శ్రీవిష్ణు నుంచి వచ్చిన మరో మూవీ 'విష్ణు విన్యాసం'.. ఈ మూవీ ఫిబ్రవరి 27న ప్రేక్షకుల ముందుకు వచ్చింది. ఈ మూవీ పాజిటివ్ టాక్ తో ప్రేక్షకుల్ని మెప్పిస్తోంది.

'విష్ణు విన్యాసం' మూవీకి మొదటి రోజు గంటకు 2 వేల టికెట్స్ బుక్ మై షో యాప్ లో అమ్ముడుపోతే రెండో రోజు గంటకు 4 వేల టికెట్స్ అమ్ముడుపోయాయి. దీనిని బట్టే ఈ చిత్రానికి పబ్లిక్ లో ఎలాంటి మౌత్ టాక్ ఉందో అర్థం చేసుకోవచ్చు. ఇక రెండోరోజు ఈ మూవీకి రూ. 2 కోట్ల 50 లక్షల రూపాయలకు పైగానే షేర్ వసూళ్లు వచ్చే అవకాశాలు ఉన్నాయి. ఓవరాల్ గా ఈ చిత్రానికి ఫస్ట్ వీకెండ్ లో రూ. 6 కోట్ల రూపాయలకు పైగా వసూళ్లు రానున్నట్లు సినీ విశ్లేషకుల ద్వారా స్పష్టం అవుతోంది.

ఇక రిలీజ్ కు ముందు 'విష్ణు విన్యాసం' మూవీకి జరిగిన ప్రీ రిలీజ్ థియేట్రికల్ బిజినెస్ రూ. 12 కోట్ల వరకు ఉందని తెలుస్తోంది. అంటే ఫస్ట్ వీకెండ్ లో ఈ చిత్రం 50 శాతం రీకవరీని సొంతం చేసుకోబోతోంది అని సమాచారం. రానున్న రోజుల్లో ఈ మూవీ బ్రేక్ ఈవెన్ కంప్లీట్ చేసుకుని లాభాల్లోకి అడుగుపెట్టే అవకాశం ఉన్నట్లు ట్రేడ్ పండితులు అంచనా వేస్తున్నారు. మరోవైపు ఈ సినిమా తర్వాత మార్చి 6న ఆయన హీరో గా నటించిన 'మృత్యుంజయ్' అనే సినిమా కూడా విడుదల కానుంది.