ప్రాణం తీసిన తెలుగు టీవీ క్రైం న్యూస్...

బాపట్ల : ఓ ప్రక్కన కోర్టు అప్పుడప్పుడూ అక్షింతలు వేస్తున్నా మితిమీరిన పోటీతో మీడియా మాత్రం మారటం లేదు. శృతిమించిన హింసను చూపటంతో ఓ ప్రాణం గాలిలోకి కలిసి పోయిన ఓ సంఘటన తాజాగా చోటు చేసుకుంది. ఓ తెలుగు టీవీ చానల్ (పేరు వెల్లడించలేం..లీగల్ పరిస్ధితుల దృష్ట్యా) లో కైంన్యూస్ చూస్తూ ఉద్వేగానికి గురైన ఓ మహిళ హఠాన్మరణం చెందింది. గుంటూరు జిల్లా బాపట్ల మండలం పడమ బాపట్ల కుక్కలవారిపాలెంకి చెందిన కుక్కల కోటేశ్వరమ్మ (38) శనివారం టీవీ చానల్‌లో కైంన్యూస్‌ను చూసింది. అవి ఎంతో ఉత్కంఠభరితంగా ఉండటంతో కోటేశ్వరమ్మ టీవీ చూస్తూ తీవ్ర ఒత్తిడికి గురై కేకలు పెడుతూ కిందపడిపోయింది.

హాస్పటల్ కి తీసుకెళ్లగా అప్పటికే ఆమె మృతిచెందినట్లు వైద్యులు చెప్పారు. సినిమాలకు ఎ సర్టిఫికేట్ ఇష్యూ చేస్తున్నట్లు టీవీల్లో పోగ్రామ్ లకు కూడా నిభందనలు పెట్టాలని చాలా రోజులనుంచీ అంటున్నా అది కార్యరూపం దాల్చటం లేదు..ఈ లోగా ఇలాంటి మరణాలను చూడాల్సి వస్తోంది. ఇక మరణించక పోయినా మానసికంగా బలహీనులైన వారపై ఈ క్రైం పోగ్రామ్ లు బాగానే ప్రభావం చూపిస్తున్నట్లు ఆ మధ్య ఓ సర్వే వెల్లడి చేసిన సంగతి కూడా గుర్తు చేసుకోవాల్సిందే. రేటింగ్ లు కోసం ప్రాకులాట ఇలా ప్రాణాల తీసే దిశగా సాగటం విషాదమే.