పట్టు పెంచుతున్న పవన్

ప్రజారాజ్యం పార్టీలో పవన్ కల్యాణ్ ఇక ముందు ఇంకా కీలక బాధ్యతలు స్వీకరించే అవకాశాలు కనిపిస్తున్నాయి. చిరంజీవి తన ఫేస్ వ్యాల్యూతో ప్రజల వద్దకు వెళ్తుండగా పవన్ కల్యాణ్ పార్టీకి సైద్ధాంతికి పునాదులను గట్టిగా వేసే పనిలో ఉన్నారు. ఆయన అనేక మంది మేధావులతో నిత్యం చర్చలు జరుపుతున్నారు. చిరంజీవికి పుస్తక పఠనం, పత్రికా పఠనం బోర్ కలిగించే విషయాలు.

పవన్ కల్యాణ్ మంచి చదువరి. ఆయనకు సామాజిక స్పృహ చాలా ఎక్కువ. నిరాడంబర జీవితం ఆయనది. అభివృద్ధి ఫలాలు అన్ని వర్గాల ప్రజలకు అందాలన్నది ఆయన తాపత్రయం. "చిరంజీవి కంటే పవన్ కల్యాణ్ కే సామాజిక న్యాయంపై ఎక్కువ అవగాహన ఉంది" అని మందకృష్ణ మాదిగ ప్రశంసించడం విశేషం. దేవేందర్ గౌడ్, గద్దర్ వంటి వారు కూడా పవన్ నాలెడ్జిని చూసి ఆశ్చర్యపోతున్నారు. ఒక యువ సినిమా హీరోకి ఈ నాలెడ్జి ఉంటుందని ఎవరూ అనుకోరు కదా. రాజకీయాలు కలిసొస్తే పవన్ సినిమాలకు పూర్తిగా గుడ్ బై చెప్పే అవకాశముందని తాజా టాక్.