విజయశాంతి ఓవరాక్షన్

చంద్రశేఖరరావు ఎత్తులు జిత్తులు కొత్తగా ఎంపీ అయిన విజయశాంతికి తెలిసినట్లు లేవు. ఆయన నిన్న పార్టీ అధ్యక్ష పదవికి రాజీనామా చేసినప్పుడు విజయశాంతి సినిమా ఫక్కీలో బాధ పడింది. పార్టీ ఆఫీసుకు వచ్చి ఆమె ఆవేదన వ్యక్తం చేశారు. చంద్రశేఖరరావు తన రాజీనామా ఉపసంహరించు కోకపోతే తాను కూడా పార్టీ పదవులకు రాజీనామా చేస్తానని ఆమె చెప్పింది.

విజయశాంతి మొదటి నుంచి కెసిఆర్ వ్యతిరేకే. ఆమె విద్యాసాగరరావు, నరేంద్రల మనిషి. చంద్రశేఖరరావు తనకు మహబూబ్ నగర్ టికెట్ ఇవ్వజూపినప్పుడు ఆమె వ్యతిరేకించింది. తనకు భువనగిరి లేదా మెదక్ టికెట్ ఇవ్వాలని ఆమె పట్టుబట్టింది. కొంతకాలం అలిగింది. తర్వాత మహబూబ్ నగర్ నుంచి కెసిఆర్, మెదక్ నుంచి విజయశాంతి లోక్ సభ సభ్యులుగా ఎన్నికయ్యారు. కెసీఅర్, విజయశాంతి ఢిల్లీ వెళ్ళిన తర్వాత సన్నిహితులయ్యారు. విజయశాంతికి, కెసీఆర్ కు ఎవరి బలహీనతలు వారికి ఉన్నాయి. ఆ బలహీనతలే వారిని చేరువ చేశాయనుకోవాలి.