అల్లరి నరేష్‌కు కెసిఆర్ మడతపేచీ

తెలుగు హీరో అల్లరి నరేష్ మడతకాజా సినిమాకు తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు మడతపేచీ పెట్టారు. అల్లరి నరేష్ నటించిన మడత కాజా సినిమా శుక్రవారం రాష్ట్రవ్యాప్తంగా విడుదలైంది. కానీ హైదరాబాదులో మాత్రం పగటి పూట అది ఆడే పరిస్థితి లేకుండా పోయింది. హైదరాబాద్, సికింద్రాబాదు జంటనగాల బంద్‌కు కెసిఆర్ పిలుపునివ్వడంతో ఆ సినిమాకు ఆ కష్టాలు ఎదురయ్యాయి.

జంటనగరాల్లో సినిమా హాళ్లు మూత పడ్డాయి. రాత్రి జంటనగరాల్లోని కొన్ని సినిమా హాళ్లు నడిచాయి. బహుశా మడతకాజా సినిమాకు రాత్రి పూట గానీ మోక్షం లభించలేదు. కెసిఆర్ అల్లరి నరేష్ కోసమే బంద్‌కు పిలుపునివ్వలేదు. కానీ అది ఆయనకు ఇబ్బందిగానే మారింది.

English summary

Naresh's film has released across different centres in Andhra Pradesh but not in Hyderabad.