బాబు పక్కలో బల్లెం ఎవరు?

తెలుగుదేశం పార్టీ అధ్యక్షుడు నారా చంద్రబాబు నాయుడికి తెలంగాణ విషయంలో పక్కలో బల్లెంలా తయారైంది సీనియర్ నేత విజయరామారావు అనే ప్రచారం సాగుతోంది. తెలంగాణపై చంద్రబాబును ముప్పు తిప్పలు పెట్టి మూడు చెరువుల నీరు తాగించడానికి ప్రయత్నిస్తున్న నాగం జనార్దన్ రెడ్డి వెనక విజయరామారావు ఉన్నారంటూ ఓ తెలుగు టీవీ చానెల్ గొంతు చించుకుంది. విజయరామారావు నాగం జనార్దన్ రెడ్డికి ఏం మాట్లాడాలో, ఎలా మాట్లాడాలో కూడా సూచనలు ఇస్తున్నారట.

తెలంగాణ విషయంలో చంద్రబాబు వైఖరికి నిరసనగా విజయ రామారావు పార్టీ కార్యాలయానికి కూడా రావడం లేదని అంటున్నారు. తన ప్రభుత్వ హయాంలో విజయ రామారావుకు మంత్రి పదవి ఇవ్వడానికి ప్రస్తుత తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావును పక్కన పెట్టారు. ఒకే సామాజిక వర్గానికి చెందిన ఇద్దరికి పదవులు ఇవ్వడం సాధ్యం కాక అలా చేశారు. ఇప్పుడు ఆ విజయ రామారావే తెలంగాణ విషయంలో చంద్రబాబుకు పక్కలో బల్లెంలా తయారయ్యాడని అంటున్నారు.

English summary

It is said that Vijayarama Rao is behind Nagam Janardhan Reddy on attacking TDP president N Chandrababu Naidu.