• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

షర్మిళ చేతుల్లోకి జగన్ పార్టీ పగ్గాలు?

By Pratap
|

Sharmila
హైదరాబాద్: వైయస్సార్ కాంగ్రెసు పార్టీ నాయకత్వ పగ్గాలు ఆ పార్టీ అధ్యక్షుడు వైయస్ జగన్మోహన్ రెడ్డి సోదరి షర్మిళ చేతుల్లోకి వెళ్లే అవకాశాలున్నట్లు వార్తలు వస్తున్నాయి. అంది వచ్చిన అవకాశాన్ని వాడుకోవడానికి షర్మిళ కూడా సిద్ధంగా ఉన్నట్లు చెబుతున్నారు. తల్లి వైయస్ విజయమ్మతో పాటు ఉప ఎన్నికల ప్రచారంలో పాల్గొన్న షర్మిళ వైయస్సార్ కాంగ్రెసు పార్టీకి స్టార్ అట్రాక్షన్‌గా మారారు. అప్పటి నుంచి ఆమె రాజకీయ నేతగా ముందుకు వచ్చే అవకాశాలున్నట్లు చెబుతున్నారు.

వైయస్ జగన్ జైలు నుంచి ఇప్పట్లో విడుదలయ్యే అవకాశాలు లేకపోవడం, వైయస్ జగన్ సతీమణి భారతి కోర్టు వ్యవహారాలు, సంస్థల వ్యవహారాలు చూసుకోవడంలో మునిగిపోవాల్సి రావడం, వైయస్ విజయమ్మకు వయస్సు ఆటంకంగా మారడం వంటి కారణాలతో పోటీ రాజకీయాల్లో షర్మిళకు అవకాశాలు మెరుగవుతున్నాయి.

బయ్యారం గనులకు సంబంధించి ఆమె భర్త అనిల్ కుమార్‌పై తెలుగుదేశం పార్టీ చేస్తున్న ఆరోపణలు మినహాయించి షర్మిళకు ఏ విధమైన ప్రతికూల అంశాలు లేవు. ఈ స్థితిలో వైయస్సార్ కాంగ్రెసుకి షర్మిళ పెద్ద దిక్కుగా మారుతున్నారు. తెలుగుదేశం పార్టీ అధ్యక్షుడు నారా చంద్రబాబు నాయుడు సుదీర్ఘ పాదయాత్రకు దీటుగా అటువంటి కార్యక్రమం చేపట్టాల్సిన అనివార్యతలో వైయస్సార్ కాంగ్రెసు పార్టీ పడింది. అంతటి సాహసం చేసేవారెవరన్నప్పుడు అనివార్యంగా షర్మిళ పేరు ముందుకు వచ్చింది.

వైయస్ జగన్ సోదరిగా కన్నా కూడా వైయస్ రాజశేఖర రెడ్డి కూతురిగా ఆమెకు ప్రజల నుంచి ఆదరణ లభిస్తుందని అంటున్నారు. అమాయకంగా కనిపిస్తూనే ప్రత్యర్థులపై వాగ్బాణాలు విసిరే నైపుణ్యం షర్మిళ సొంతమని అంటున్నారు. ఈ స్థితిలో షర్మిళ వైయస్సార్ కాంగ్రెసు పార్టీకి ఏకైక దిక్కుగా కనిపిస్తున్నారని అంటున్నారు.

English summary
According to media reports - YS Rajasekhar Reddy's daughter and YS Jagan's sister Sharmila may takeup YSR Congress party rewins for time being.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X