సునీల్ రెడ్డి విచారణ, పలుకు బంగారం

ఎమ్మార్ ప్రాపర్టీస్ కేసులో అరెస్టయిన సునీల్ రెడ్డి నుంచి సమాధానాలు రప్పించడం సిబిఐకి తలకు మించిన పనే అవుతోందట. సిబిఐ అధికారులు శనివారం సునీల్ రెడ్డిని తమ కస్టడీకి తీసుకుని ప్రశ్నించారు. చిరునవ్వును ముఖంపై పులుముకుని మాట్లాడకుండా ఉండడాన్ని సునీల్ రెడ్డి ప్రత్యేకంగా అభ్యాసం చేశాడా అనిపించేలా అతను వ్యవహరిస్తున్నాడని సమాచారం. వైయస్సార్ కాంగ్రెసు పార్టీ అధ్యక్షుడు వైయస్ జగన్‌కు బంధువైన సునీల్ రెడ్డి ప్రత్యేకంగా యోగాభ్యాసం చేసి, సమాధానాలు ఇవ్వకుండా ఉండడం ఎలాగో నేర్చుకున్నాడట.

జగన్ ఆస్తుల కేసులో అరెస్టయిన విజయసాయి రెడ్డి కూడా ప్రశ్నలకు సమాధానాలు ఇవ్వకుండా సిబిఐని ముప్పు తిప్పలు పెట్టి మూడు చెరువుల నీరు తాగించారని అంటారు. అరెస్టయినప్పుడు గానీ, అరెస్టయి జైలుకు వెళ్తున్నప్పుడు గానీ, ఏ చోట అయినా విజయసాయి రెడ్డి లాగే సునీల్ రెడ్డి కూడా పెదవులపై నవ్వును పులుముకుని దీమాగా అడుగులేయడం నేర్చుకున్నట్లున్నాడు.

English summary

It is said that Sunil Reddy arrested in EMAAR case, is not cooperating with CBI.