కిరణ్కు షాక్: జగన్ పార్టీలోకి మోపిదేవి, భార్య?
అయితే, ధర్మాన ప్రసాద రావుకు ముఖ్యమంత్రి కిరణ్ కుమార్ రెడ్డికి అండగా నిలుస్తున్నారని, తనకు మాత్రం మద్దతివ్వలేదనే ఆవేదన, ఆక్రోశం మోపిదేవిలో ఉందంటున్నారు. ధర్మానకు మద్దతిచ్చిన ముఖ్యమంత్రి, మంత్రి మండలి తనకు ఇవ్వకపోవడంతో ఆయన పూర్తిగా అసంతృప్తికి లోనయ్యారట.
దీంతో కాంగ్రెసు పార్టీని విడిచేందుకు రంగం సిద్ధం చేసుకున్నట్లుగా వార్తలు వస్తున్నాయి. జగన్ పార్టీలోకి వెళ్లాలనే నిశ్చితాభిప్రాయంతో ఆయన ఉన్నట్లుగా ప్రచారం సాగుతోంది. ఇందులో భాగంగా మోపిదేవి భార్య రంగంలోకి దిగనున్నట్లుగా చెబుతున్నారు.
వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి సోదరి మరో ప్రజా ప్రస్థానం పాదయాత్రను ప్రతిష్టాత్మకంగా చేపట్టిన విషయం తెలిసిందే. ఆమె పాదయాత్ర ఈ నెల 23న రేపల్లెకు వచ్చే అవకాశముంది. మోపిదేవి వెంకటరమణ సతీమణి అరుణ భాస్కరి ఆమె సమక్షంలో వైయస్సార్ కాంగ్రెసు పార్టీలో చేరే అవకాశాలు కనిపిస్తున్నాయని అంటున్నారు. మోపిదేవి రేపల్లె నుండి ఎమ్మెల్యేగా గెలుపొందారు.
Click it and Unblock the Notifications
Sign in with Google