హెయిర్ కలర్ తప్పదంటే ఈ విషయాలు తెలుసుకోవటం కూడా తప్పదు!

హెయిర్ కలర్ ప్రతి ఒక్కరు తప్పనిసరిగా వాడాల్సిన పరిస్థితి వస్తోంది. చిన్నవయసులోనే జుట్టు నెరిసిపోవడంతో చాలామంది హెయిర్ కలర్స్ వినియోగిస్తున్నారు. హెయిర్ కలర్స్ వేసుకోవడం అనివార్యం అవుతున్న నేపథ్యంలో, హెయిర్ కలర్ వేసుకుంటే జరిగే ఆరోగ్య నష్టాలపైన ఆందోళన కూడా వ్యక్తమవుతుంది. ఇటువంటి పరిస్థితుల్లో హెయిర్ కలర్ వినియోగం గురించి ప్రతి ఒక్కరు కచ్చితంగా తెలుసుకోవలసిన అంశాలు ఉన్నాయి.. వాటిని ఒకసారి చూద్దాం.

హెయిర్ డై వేస్తున్నారా?
హెయిర్ కలర్ వేసుకునేటప్పుడు సేఫ్టీ చాలా ముఖ్యం. సరైన జాగ్రత్తలు తీసుకోకపోతే మీ జుట్టు పాడైపోతుంది. జుట్టు మాత్రమే కాదు మీకు స్కిన్ సమస్యలు వచ్చే అవకాశం ఉంది. హెయిర్ డై లలో ఉండే రసాయనాలు కొంతమందికి అలర్జీలను లేదా స్కిన్ ప్రాబ్లమ్స్ ను క్రియేట్ చేస్తాయి. అందుకే హెయిర్ డై వాడేటప్పుడు, వాడడానికి 48 గంటలకు ముందు చెవి వెనుక భాగంలో చేతిపై చిన్న మోతాదులో కలర్ రాయాలి.

హెయిర్ కలర్ చేసుకునేటప్పుడు ఈ జాగ్రత్తలు తప్పనిసరి
అక్కడ ఎటువంటి ఇరిటేషన్ , ర్యాష్ రాకపోతే హెయిర్ డై వినియోగించవచ్చు. ఎర్రగా మారడం, దద్దుర్లు రావడం, చర్మం మంటగా ఉండడం, వాపు కనిపించడం వంటి లక్షణాలు ఉంటే ఆ హెయిర్ కలర్ ను వాడకుండా ఉంటేనే మంచిది. హెయిర్ కలర్ చేసుకునేటప్పుడు ఎప్పుడు రబ్బర్ లేదా ప్లాస్టిక్ గ్లోవ్స్ ను ఉపయోగించాలి. ఇది మన చేతులపైన రంగు పడకుండా చూడడం మాత్రమే కాకుండా రసాయనాల ప్రభావాన్ని కూడా తగ్గిస్తుంది.

హెయిర్ డై తో ఆరోగ్యంపై ప్రభావం
ఎప్పుడైనా హెయిర్ కలర్ చేసుకునేటప్పుడు గాలి, వెలుతురు ధారాళంగా వచ్చే ప్రదేశంలో కూర్చొని వేసుకోండి. ఎందుకంటే హెయిర్ డైలో ఉండే అమోనియా పెరాక్సైడ్ వంటి పదార్థాలు మూసి ఉన్న గదిలో వేసుకుంటే మన ఆరోగ్యం పైన ప్రభావాన్ని చూపిస్తాయి. ఇక హెయిర్ డై వేసుకున్నప్పుడు సూచించిన సమయం కంటే ఎక్కువసేపు దాన్ని ఉంచుకోకండి.

డై వేసుకున్నాక ఇలా చెయ్యండి
డై వేసుకున్న తర్వాత ప్యాక్ పైన ఇచ్చినటువంటి సమయాన్ని గుర్తుపెట్టుకొని ఆ సమయానికి జుట్టును కడుక్కోండి. లేదంటే జుట్టు పొడిబారి బలహీనంగా మారుతుంది. ఇక డై వేసుకున్న తర్వాత జుట్టును, తల చర్మాన్ని, జుట్టులో మిగిలి ఉన్న కలర్ ను పూర్తిగా తొలగి పోయేలాగా వాష్ చేసుకోవాలి. ఆ తర్వాత మాయిశ్చరైజింగ్ కండిషనర్ లేదా హెయిర్ సీరం ను జుట్టుకు అప్లై చేస్తే జుట్టు ఆరోగ్యంగా ఉంటుంది.

వీరు డై విషయంలో జాగ్రత్త
ఇక హెయిర్ కలర్ వాడాలి అనుకున్న వారు చర్మ సమస్యలు ఉంటే వైద్యులను సంప్రదించిన తర్వాత మాత్రమే వాడాలి. గర్భవతులు కూడా హెయిర్ కలర్స్ వాడాలంటే డాక్టర్లను సంప్రదించాలి. ఇక హెయిర్ కలర్ విషయంలో తీసుకునే జాగ్రత్తలతో పాటు హెయిర్ కలర్ ఎంపిక విషయంలో కూడా కొన్ని జాగ్రత్తలు తీసుకోవచ్చు రసాయన డై లకు బదులుగా, నాచురల్ హెయిర్ కలర్ లను ఉపయోగించవచ్చు.

English summary

As hair coloring becomes inevitable, there is also concern about the health risks associated with using hair coloring. In such situations, there are certain things that everyone should know about the use of hair coloring.