Beauty tips: ముఖం మీద ముడతలు రాకుండా యవ్వనంగా కనబడాలంటే ఏం చెయ్యాలి?

వయసుతో పాటు ముఖంపై ముడతలు రావడం సహజం అయితే ప్రస్తుతం జీవనశైలి కారణాలతో వయసుతో సంబంధం లేకుండా ముఖంపై ముడతలు వస్తున్నాయి. చిన్న వయసులో ఉన్నవారు కూడా ముఖంపై ముడతల సమస్యను ఎదుర్కొంటున్నారు. ఒత్తిడి, కాలుష్యం, పోషకాహార లోపం వంటి కారణాలు ముఖంపై ముడతలు వచ్చేలా, చిన్న వయసులోనే వృద్ధాప్యం వచ్చేలా చేస్తున్నాయి.

ఇక ముఖంపై ముడతల కారణంగా అందవిహీనంగా మారుతున్నామని ఇబ్బంది పడుతున్న చాలామంది మార్కెట్లో దొరికే కాస్మటిక్ ఉత్పత్తులను వాడడం ప్రారంభిస్తున్నారు. అయితే మనకు తెలియకుండానే ఇట్లాంటి ఉత్పత్తుల వల్ల దుష్ప్రభావాలు ఎదురవుతున్నాయి. అందుకే చాలామంది ముఖంపై ముడతలను తగ్గించుకోవాలంటే కాస్మటిక్ ప్రొడక్ట్స్ కాదు నాచురల్ రెమిడీస్ ని ట్రై చేయాలని చెబుతున్నారు.

మన ఇంట్లోనే దొరికే వస్తువులతో చిన్న చిన్న చిట్కాలను ఉపయోగించి ముఖంపై ముడతలు పోగొట్టుకోవచ్చని చెబుతున్నారు. ఇక వాటిలో కొన్నింటి గురించి మనం తెలుసుకుందాం. ముఖంపై ముడతలు పోవడానికి కలబంద ఎంతో బాగా ఉపయోగపడుతుంది. కలబంద గుజ్జును పూసుకోవడం వల్ల చర్మం మీద ముడతలు, గీతలు తగ్గుతాయి. కలబందతో కొలాజిన్ ఉత్పత్తి జరిగి చర్మం మృదువుగా మారుతుంది. కలబందలో ఉండే మాయిశ్చరైజింగ్ గుణాలు చర్మం తేమగా, నిగారింపుతో ఉండేలా చేస్తాయి.

ముఖంపై ముడతలు పోవడానికి తేనె ఎంతో బాగా ఉపయోగపడుతుంది. తేనెలోని యాంటీ ఆక్సిడెంట్ గుణాలు ఫ్రీ రాడికల్స్ నుంచి చర్మ కణాలను కాపాడతాయి. తేనే చర్మంలో ఉన్న తేమను కాపాడుతుంది. ముఖంపై ముడతలు పోవాలంటే తేనెను అప్లై చేసి కాసేపు ఆరనిచ్చి ఆపై గోరువెచ్చటి నీటితో శుభ్రంగా కడుక్కోవాలి. ఇలా వారానికి రెండుసార్లు చేస్తే ముఖంపై ముడతలు తగ్గుతాయి.

ముఖంపై ముడతలు పోవడానికి కొబ్బరి నూనె ఎంతో బాగా ఉపయోగపడుతుంది. కొబ్బరి నూనెలో ఫ్యాటీ యాసిడ్స్ పుష్కలంగా ఉంటాయి. కొబ్బరి నూనె చర్మం హైడ్రేటెడ్ గా ఉంచడానికి, పోషణ అందించడానికి తోడ్పడుతుంది. కొబ్బరి నూనె ముఖానికి మసాజ్ చేసుకొని ఓ గంట పాటు ఉంచి ఆపై నీళ్లతో కడుక్కుంటే చర్మం మృదువుగా మారుతుంది. ముడతలు తగ్గుతాయి.

disclaimer: ఈ కథనం ఇంటర్నెట్‌లో అందుబాటులో ఉన్న అంశాల ఆధారంగా రూపొందించబడింది. oneindia దీనిని ధృవీకరించలేదు.

English summary

What should be done to look young without getting wrinkles on the face? How to reduce wrinkles naturally with home remedies? Find out.