మనిషి రోజుకు ఎన్ని లీటర్ల గాలి పీల్చుకుంటాడో తెలుసా?

మన శరీరానికి గాలి అత్యంత ముఖ్యమైనది. ప్రతి నిమిషం కూడా మనం గాలిని పీల్చుకుంటూ, బయటకు విడుస్తుంటాము. అయితే మనం రోజుకు ఎంత గాలిని పీల్చుకుంటాం అనేది ఎప్పుడైనా ఆలోచించారా? ఈ ప్రశ్నకు సమాధానం కనుక్కోవడం ఆసక్తికరంగా ఉంటుంది. ఇది మన శరీర శ్వాసక్రియతో , శ్వాసక్రియ తీరుతో సంబంధం కలిగిన అంశం. ఒక సాధారణ వ్యక్తి రోజూ ఎంతోమందికి తెలియకుండానే పెద్ద మొత్తంలో గాలి పీల్చుతుంటాడు. ఇది ఆరోగ్యకరమైన శ్వాసక్రియకు అనుసంధానమైంది.

నిమిషానికి ఎన్ని లీటర్ల గాలి పీల్చుతాం?
సగటున ఒక వయోజనుడు నిశ్చలంగా ఉన్నప్పుడు నిమిషానికి 15-20 సార్లు శ్వాస తీసుకుంటాడు. ప్రతి శ్వాసలో సుమారు 500 మిల్లీలీటర్ల గాలిని పీల్చుకుంటాడు. అంటే ఒక నిమిషానికి సుమారు 7.5 నుండి 10 లీటర్ల గాలిని పీల్చుకుంటాడు. సగటున ఒక వ్యక్తి రోజుకు సుమారు 11,520 లీటర్ల గాలిని పీల్చుకుంటాడు. అయితే ఈ సంఖ్య వ్యక్తి నుండి వ్యక్తికి, వయస్సు, ఆరోగ్యం, శారీరక కార్యకలాపాలు వంటి అనేక కారకాలపై ఆధారపడి ఉంటుంది. పిల్లలు పెద్దల కంటే ఎక్కువ గాలిని పీల్చుకుంటారు.

రోజుకు ఎంత ఆక్సిజన్ వినియోగిస్తాము?
ఒక సగటు వయోజన పురుషుని ఊపిరితిత్తులు గరిష్ఠంగా 6 లీటర్ల గాలిని వాటిలో ఉంచుకోగలవు. సాధారణంగా ఒక ఆరోగ్యవంతమైన వ్యక్తి నిమిషానికి 16 సార్లు శ్వాస తీసుకుంటాడు. మనం తీసుకునే గాలిలో 20 శాతం ఆక్సిజన్ ఉంటుంది. అంతే కాకుండా మనం ప్రతి శ్వాసకు 5 శాతం వాయువును కార్బన్ డై ఆక్సైడ్‌గా మారుస్తాము. ఈ లెక్కన మనిషి ఒక రోజుకు 378 లీటర్ల స్వచ్ఛమైన ఆక్సిజన్‌ను వినియోగిస్తాడు.

శ్వాస రేటు ఎందుకు ముఖ్యం?
శ్వాస రేటు మన ఆరోగ్యం గురించి చాలా చెబుతుంది. అధిక లేదా తక్కువ శ్వాస రేటు కొన్ని ఆరోగ్య సమస్యలను సూచించవచ్చు. వ్యాయామం చేసేటప్పుడు శ్వాస రేటు పెరుగుతుంది. ఇది మన శరీరానికి అవసరమైన ఆక్సిజన్‌ను అందిస్తుంది. ఒత్తిడి ఉన్నప్పుడు కూడా శ్వాస రేటు పెరగవచ్చు. ఒక నిమిషం పాటు మీ ఛాతి లేదా కడుపు ఎన్నిసార్లు పైకి కిందికి కదులుతుందో లెక్కించండి. అనేక మొబైల్ యాప్‌లు శ్వాస రేటును కొలవడానికి ఉపయోగపడతాయి.

మన చుట్టూ ఉన్న పర్యావరణం కూడా శ్వాసను ప్రభావితం చేస్తుంది. కాలుష్యం ఎక్కువగా ఉన్న ప్రాంతాల్లో మనం ఎక్కువ గాలిని పీల్చాల్సి ఉంటుంది. అస్థమా, COPD వంటి శ్వాసకోశ సమస్యలు ఉన్నవారికి శ్వాస తీసుకోవడం కష్టంగా ఉంటుంది. వయస్సు పెరిగే కొద్దీ ఊపిరితిత్తుల సామర్థ్యం తగ్గుతుంది.

మనం రోజుకు ఎంత గాలి పీల్చుకుంటాము అనేది మన శరీరం, ఆరోగ్యం మరియు పర్యావరణంపై ఆధారపడి ఉంటుంది. శ్వాస తీసుకోవడం మన జీవితానికి అత్యంత ముఖ్యమైనది కాబట్టి, శుభ్రమైన గాలిని పీల్చడానికి ప్రయత్నించాలి.

గమనిక: ఈ సమాచారం కేవలం సమాచారం కోసం మాత్రమే. ఇది వైద్య సలహాకు ప్రత్యామ్నాయం కాదు. ఏదైనా ఆరోగ్య సమస్య ఉంటే మీ డాక్టర్‌ను సంప్రదించండి.

English summary

Daily Air Intake: How Much Does a Human Breathe in 24 Hours?