ఎండాకాలంలో శరీరాన్ని చల్లగా ఉంచుకోవాలా? ఇవి ఆహారంలో తీసుకోండి!

ఎండాకాలం రాగానే సూర్యుడి ప్రతాపంతో ప్రజలు అల్లాడిపోతున్నారు.అధిక వేడి వల్ల డీహైడ్రేషన్, నీరసం మరియు కడుపు సంబంధిత సమస్యలు రావడం సహజం. అయితే ఈ వేడి నుండి మన శరీరాన్ని కాపాడుకోవాలంటే ఆహారపు అలవాట్లలో కొన్ని మార్పులు చేసుకోవాలి. అవేంటో ఇప్పుడు తెలుసుకుందాం.

ప్రకృతి ఇచ్చిన అమృతం పుచ్చకాయ

వేసవిలో అందరూ ఇష్టపడే పండు పుచ్చకాయ. ఇందులో నీటి శాతం చాలా ఎక్కువ. ఇది శరీరాన్ని ఎక్కువ సేపు హైడ్రేట్‌గా, చల్లగా ఉంచుతుంది. ఇందులోని 'లైకోపిన్' చర్మాన్ని ఎండ దెబ్బ నుండి కాపాడుతుంది. పొట్టను చల్లగా ఉంచడంలో పుచ్చకాయ అద్భుతంగా పనిచేస్తుంది.

చల్లదనానికి కేరాఫ్ అడ్రస్ కీరా దోసకాయ

కీరా దోసకాయలో నీరు మరియు పోషకాలు పుష్కలంగా ఉంటాయి. ఇందులో క్యాలరీలు తక్కువ, పీచు పదార్థం ఎక్కువ. ఇది జీర్ణక్రియను మెరుగుపరచడమే కాకుండా మలబద్ధకాన్ని నివారిస్తుంది. వేసవిలో బరువు తగ్గాలనుకునే వారికి ఇది ఒక గొప్ప ఆహారం . ఇది శరీరాన్ని లోపల నుండి చల్లబరుస్తుంది.

పోషకాల గని అనాస పండు

అనాస పండులో 'బ్రోమెలైన్' అనే ఎంజైమ్ ఉంటుంది. ఇది ఎండ వల్ల కలిగే మంటను, సన్ బర్న్‌ను తగ్గిస్తుంది. విటమిన్ సి, బి6 మరియు మెగ్నీషియం వంటి పోషకాలు ఇందులో పుష్కలంగా ఉన్నాయి. ఇది మీ శరీరానికి తక్షణ శక్తిని అందిస్తూ, ఎండ తీవ్రతను తట్టుకునేలా చేస్తుంది.

కడుపుకి హాయినిచ్చే పెరుగు

పెరుగులో ఉండే ప్రోబయోటిక్స్ జీర్ణక్రియను వేగవంతం చేస్తాయి. కడుపు ఉబ్బరం వంటి సమస్యలను తగ్గిస్తాయి. ఇందులో ఉండే క్యాల్షియం ఎముకలను దృఢంగా ఉంచుతుంది. ప్రోటీన్ ఎక్కువగా ఉండటం వల్ల వేసవిలో నీరసం రాకుండా ఇది కాపాడుతుంది. నిత్యం పెరుగు వాడటం ఆరోగ్యానికి ఎంతో శ్రేయస్కరం.

తక్షణ శక్తికి మూలం నిమ్మకాయ

శరీరంలోని విషతుల్యాలను బయటకు పంపడంలో నిమ్మకాయ కీలక పాత్ర పోషిస్తుంది. నిమ్మరసం తాగడం వల్ల రోగనిరోధక శక్తి పెరుగుతుంది. ఇది చర్మాన్ని తాజాగా ఉంచుతూ, వేసవి వేడి వల్ల కలిగే అలసటను తక్షణమే దూరం చేస్తుంది. తక్కువ ఖర్చుతో కూడిన గొప్ప డ్రింక్ ఇది.ఈ ఆహార పదార్థాలను మీ రోజువారీ డైట్‌లో చేర్చుకోవడం ద్వారా వేసవి తాపం నుండి సులభంగా తప్పించుకోవచ్చు.

English summary

Health Tip: Struggling with summer dehydration and exhaustion? know how specific foods can cool your body, improve digestion, and protect you from heatstroke this season.