Health tips: కళ్ళవాపు, చర్మ సమస్యలు.. నిర్లక్ష్యం చేస్తే కిడ్నీలకు ముప్పు.. ఎలాగంటే!!
మూత్రపిండాలు.. మన శరీరంలో ముఖ్యమైన అవయవాలు. మూత్రపిండాలు సరిగ్గా పనిచేస్తేనే మనం ఆరోగ్యంగా ఉంటాం. మూత్రపిండాలు శరీరం నుండి ఉత్పత్తి అయ్యే వ్యర్థాలను, అదనపు ద్రవాన్ని ఎప్పటికప్పుడు తొలగిస్తూ ఉంటాయి. మన రక్తంలోకి మలినాలు చేరకుండా కాపాడతాయి. మన కిడ్నీలు ఆరోగ్యంగా ఉంటేనే మనం శారీరకంగా ఆరోగ్యంగా ఉంటాం. ఒక్కొక్కసారి కిడ్నీల సమస్యలు మనకు శరీరంలోని ఇతర లక్షణాల ద్వారా బయటకు వస్తాయి.
కిడ్నీ సమస్యలకు ఇతర అనారోగ్య సమస్యలకు లింక్
మన కిడ్నీలకు, మన కళ్ళకు, చర్మానికి లింక్ ఉంటుందన్న విషయం చాలామందికి తెలియదు. కానీ కళ్ళకు సంబంధించిన, చర్మానికి సంబంధించి కొన్ని లక్షణాలు మన కిడ్నీ సమస్యను చెప్పకనే చెబుతాయి. కిడ్నీ సమస్య ఏమైనా మూత్ర విసర్జన లేదా కడుపు నొప్పికి సంబంధించిన లక్షణాలకే పరిమితం కాదు. మూత్రపిండాల సమస్యల కారణంగా మనకు అనేక చర్మ సమస్యలు వచ్చే అవకాశం ఉంది.
చర్మ సమస్యలకు కిడ్నీల అనారోగ్యం కారణం కావచ్చు
కిడ్నీలు సరిగ్గా పని చేయనప్పుడు చర్మం పొడిబారటం, పొరలు పొరలుగా మారడం, దురదగా అనిపించడం సంభవిస్తుంది. కాబట్టి చర్మం పై ఇటువంటి లక్షణాలు కనిపిస్తే డెర్మటాలజిస్ట్ ను సంప్రదించడంతోపాటు మూత్రపిండాలను కూడా పరీక్ష చేయించుకోవడం అవసరం. చర్మ సమస్యలు మాత్రమే కాదు, మూత్రపిండాలలో ఎటువంటి సమస్యలు ఉన్న కళ్ళకు సంబంధించిన అనారోగ్యం కూడా వస్తుంది.
కారణం లేకుండా కళ్ళ వాపు కిడ్నీ సమస్య కావచ్చు
మీ కళ్ళ చుట్టూ వాపు అనిపిస్తే, కంటి పరీక్షల తర్వాత కూడా స్పష్టమైన కారణం తెలియకపోతే కచ్చితంగా కిడ్నీల అన్ని చెక్ చేయించుకోవడం చాలా అవసరమని చెబుతున్నారు వైద్యనిపుణులు. కిడ్నీల సమస్య ఉత్పన్నమైతే అనేక ఇతర అనారోగ్య సమస్యలు కూడా కలుగుతాయని చెబుతున్నారు. కండరాల నొప్పులు, శ్వాస తీసుకోవడంలో ఇబ్బంది, తరచుగా యూరినరీ ఇన్ఫెక్షన్స్, కాళ్ళల్లో వాపు వంటి లక్షణాలు కూడా కనిపిస్తాయి.
ఆదిలోనే కిడ్నీ సమస్యకు చెక్ పెట్టాలి
ఏ లక్షణాలు కనిపించినా, కిడ్నీలకు సంబంధించి చిన్న అనుమానం వచ్చినా వెంటనే వైద్యులను సంప్రదించి ఆదిలోనే ఆ సమస్యకు చెక్ పెట్టాలి. సమస్య తీవ్రమైన తర్వాత, కిడ్నీలు పూర్తిగా పాడైపోయిన తర్వాత వైద్యులు కూడా ఏమి చేయలేని పరిస్థితి వస్తుంది. కాబట్టి కిడ్నీల ఆరోగ్యం విషయంలో తస్మాత్ జాగ్రత్త.
disclaimer: ఈ కథనం వైద్య నిపుణుల సూచనలు మరియు ఇంటర్నెట్లో అందుబాటులో ఉన్న అంశాల ఆధారంగా రూపొందించబడింది. oneindia దీనిని ధృవీకరించలేదు.
Click it and Unblock the Notifications
Sign in with Google