భారతీయ వాస్తు శాస్త్ర సృష్టికర్త విశ్వకర్మ వాస్తును ఎలా రూపొందించారంటే..
భారతీయ వాస్తు శాస్త్రానికి ఆద్యుడిగా, సృష్టికర్తగా విశ్వకర్మను పరిగణిస్తారు. పురాణాల ప్రకారం వాస్తు శాస్త్రం ఆవిర్భావం వెనుక ఆసక్తికరమైన కథ ఉంది. దాన్నిగురించిన వివరాలు తెలుసుకుందాం.
వాస్తు పురుషుని ఆవిర్భావం
వాస్తు శాస్త్రానికి మూలం 'వాస్తు పురుషుడు'.
పురాణాల ప్రకారం, శివుడు, అంధకాసురుడు అనే రాక్షసుడి మధ్య యుద్ధం జరిగినప్పుడు,
శివుని నుదుటి నుండి ఒక చెమట బిందువు నేలపై పడింది.
దాని నుండి ఒక భయంకరమైన ఆకారం జన్మించింది.
అది ఆకలితో లోకాలను మింగడానికి సిద్ధపడగా,
బ్రహ్మదేవుడు, ఇతర దేవతలు ఆ భూతాన్ని పట్టుకుని భూమిపై బోర్లా పడేలా అదిమి పట్టారు.
బ్రహ్మదేవుడి అనుగ్రహం
దేవతలందరూ తనపై కూర్చోవడంతో ఆ భూతం కదలలేకపోయింది.
అప్పుడు ఆ భూతం బ్రహ్మదేవుడిని ప్రార్థించగా,
బ్రహ్మ అతనికి 'వాస్తు పురుషుడు' అని నామకరణం చేశాడు.
భూమిపై ఎవరైనా సరే ఒక నిర్మాణం చేసేటప్పుడు నిన్ను పూజించాలి,
నీ నియమాల ప్రకారం ఇల్లు కట్టాలి.
అలా చేయని వారిని పీడించే అధికారం నీకు ఉంటుంది అని బ్రహ్మ వరం ఇచ్చాడు.
విశ్వకర్మ, మయ బ్రహ్మల రూపకల్పన
వాస్తు శాస్త్రాన్ని ఆచరణలోకి తీసుకువచ్చి, గ్రంథస్థం చేసిన వారిలో ఇద్దరు ముఖ్యులు
దేవశిల్పిగా పేరుగాంచిన విశ్వకర్మ దేవతల భవనాలను, ఆయుధాలను నిర్మించాడు.
ఉత్తర భారత వాస్తు రీతులకు ఈయనే మూలకర్త.
మయ బ్రహ్మ రాక్షసుల శిల్పి. దక్షిణ భారత వాస్తు రీతులకు ఈయన ఆద్యుడు.
వాస్తు శాస్త్రాన్ని ఎలా రూపొందించారంటే
వాస్తును కేవలం నమ్మకం మీద కాకుండా, ప్రకృతి శక్తులను ఆధారంగా చేసుకుని శాస్త్రీయంగా రూపొందించారు
గాలి, నీరు, అగ్ని, భూమి, ఆకాశం అనే ఐదు తత్వాలు ఒక ఇంట్లో ఎలా ఉండాలో వాస్తు నిర్ణయిస్తుంది.
ఉదాహరణకు, వంటగది ఆగ్నేయంలోనే ఉండాలని నియమం పెట్టారు.
సూర్యరశ్మి, భూమికి ఉండే అయస్కాంత శక్తి మానవ శరీరంపై
మనస్సుపై చూపే ప్రభావాన్ని బట్టి దిక్కులను కేటాయించారు.
భూమిని ఒక చదరపు ఆకారంగా విభజించి,
ఏ దేవత ఏ దిక్కులో ఉంటారో నిర్ణయించారు.
దీని ఆధారంగానే గదుల అమరికను రూపొందించారు.
దీన్ని మండల నిర్మాణం అంటారు.
ఈశాన్యం అంటే దైవ శక్తి, నీరు ఉండే చోటు.
నైరుతి అంటే స్థిరత్వం, బరువు ఉండే చోటు.
వాయవ్యం అంటే గాలి, కదలిక ఉండే చోటు.
ఆగ్నేయం అంటే వేడి, అగ్ని ఉండే చోటు.
వాస్తు శాస్త్ర నియమాలను మయమతం, మానసారం,
సమరాంగణ సూత్రధారం అనే గ్రంథాలు వివరిస్తాయి.
ప్రకృతిలో ఉండే శక్తిని మనిషి తన ఎదుగుదల కోసం
ఎలా ఉపయోగించుకోవాలి అనే శాస్త్రీయ దృక్పథమే వాస్తు శాస్త్ర రూపకల్పనకు పునాది.
Click it and Unblock the Notifications
Sign in with Google