పేలుడు కేసులో దామోదర్‌రెడ్డిఅరెస్టు

హైదరాబాద్‌ః కాంగ్రెస్‌ నేత, మాజీ మంత్రి ఆర్‌ దామోదర్‌రెడ్డిని బుధవారం మధ్యాహ్నం పోలీసులు నల్గొండ జిల్లా తుంగతుర్తిలో అరెస్టు చేశారు. దామోదర్‌ రెడ్డి ఇంట్లో గత నెల జరిగిన బాంబు పేలుడు సంఘటనకు సంబంధించి ఆయన్ను పోలీసులు అరెస్టు చేశారు.

ఈ పేలుడు ప్రత్యర్ధుల కుట్ర అని దామోదర్‌రెడ్డి ఆరోపిస్తుండగా ఆయన ఇంట్లో నిల్వవుంచిన బాంబులేపేలినట్టుగా ప్రత్యర్ధులు ఆరోపించారు. ఫోరెన్సిక్‌ నిపుణుల నివేదికలో కూడా ఇంట్లో నిల్వవున్న బాంబులేపేలినట్టుగా వెల్లడయినట్టుగా తెలిసింది. ఈ నివేదికఅందుకున్న జిల్లా అధికార యంత్రాంగం దామోదర్‌రెడ్డిఅరెస్టుకు ఆదేశాలు జారీ చేసినట్టుగా తెలిసింది.