గ్రేట్ ..ఆర్టీవో ఆఫీసులో ప్రధాని

న్యూఢిలీ: మన ప్రధాని మన్మోహన్‌సింగ్ తన డ్రైవింగ్ లైసెన్స్ రెన్యువల్ చేయించుకునేందుకు స్వయంగా ఢిల్లీలోని ప్రాంతీయ రవాణా కార్యాలయానికి వచ్చారు.ఆయనతోపాటు ఆయన భార్య గరుశరణ్ కౌర్ కూడా ఉన్నారు. 45 రోజుల క్రితం గడువు ముగిసిపోయిన లైసెన్స్ పునరుద్దరణ కోసం ఇంద్రప్రస్థలోని ఆర్‌టిఓ కార్యాలయానికి వచ్చిన ఆయన ఇందుకు అవసరమైన ఫొటోలు, వేలిముద్రలు వంటి ఫార్మాలిటీస్‌ని పూర్తి చేశారు. మన్మోహన్‌సింగ్, ఆయన భార్య ఇద్దరూ కూడా ఆర్‌టిఒ కార్యాలయానికి వచ్చి లైసెన్స్‌లను రెన్యువల్ చేయించుకున్నారని ప్రధానమంత్రి మీడియా సలహాదారు దీపక్‌సంధూ తెలియజేశారు.

పి.వి.నరసింహారావు ప్రభుత్వంలో ఆర్థిక మంత్రిగా ఉన్నప్పుడు 1990లో ఇదే కార్యాలయం నుంచి మన్మోహన్ లైసెన్స్ పొందారు. రాజ్యసభలో ప్రతిపక్ష నాయకుడిగా 2003లో దీనిని రెన్యువల్ చేయించారు.76 ఏళ్ళ వయస్సులో అదీ దేశ ప్రధాని అయి ఉండి భాధ్యతాయుతంగా తన పనులు తానే స్వయంగా చేసుకునేందుకు ముందుకురావటం చాలా మంది నేర్చుకోవాల్సిన అంశంగా ప్రముఖులు విశ్లేషిస్తున్నారు.