రెండు చోట్ల చిరు పోటీ: అల్లు

కర్నూలు: ప్రజారాజ్యం పార్టీ అధ్యక్షుడు చిరంజీవి రెండు నియోజక వర్గాల నుంచి శాసనసభకు పోటీ చేస్తారని ఆయన బావమరిది అల్లు అరవింద్‌ చెప్పారు. చిరంజీవి పెళ్లి రోజు వేడుకకు వచ్చిన ఆయన కర్నూలులో మీడియా ప్రతినిధులతో మాట్లాడారు. చిత్తూరు, ఉభయగోదావరి జిల్లాల్లో ఏదో ఓ స్థానం నుంచి ఆయన పోటీచేస్తారని తెలిపారు. మొగల్తూరునుంచి పోటీచేసే విషయం ఇంకా ఖరారుకాలేదని మరో ప్రశ్నకు సమాధానంగా ఆయన తెలిపారు.

తాను రెండు చోట్ల నుంచి శాసనసభకు పోటీ చేస్తానని చిరంజీవి ఇది వరకే ఒకానొక సందర్భంలో చెప్పారు. తిరుపతి నుంచి పోటీ చేయాలనే డిమాండ్ వస్తోందని ఆయన చెప్పారు. అలాగే నల్లగొండ జిల్లాలోని ఒక నియోజకవర్గం నుంచి పోటీ చేయాలని కూడా కోరుతున్నారని ఆయన చెప్పారు.