చంద్రబాబు నాయుడు అరెస్ట్

హైదరాబాద్‌: తెలుగుదేశం అధ్యక్షుడు చంద్రబాబు నాయుడితో మహాకూటమి నేతలను పోలీసులు అరెస్టు చేశారు. జగతి పబ్లికేషన్స్‌ అక్రమాలపై ముఖ్యమంత్రి కార్యాలయం ఎదుట జైల్‌భరో నిర్వహిస్తున్న కూటమి నేతలను పోలీసులు అడ్డుకున్నారు. తీవ్ర ఉద్రిక్త పరిస్థితుల మధ్య పోలీసులు మహాకూటమి నేతలను అరెస్టు చేసి గోషామహల్‌ స్టేడియానికి తరలించారు.

జగతి పబ్లికేషన్స్‌ అక్రమాలపై రాష్ట్రవ్యాప్తంగా మహాకూటమి ఆధ్వర్యంలో గురువారం జైల్‌భరో నిర్వహిస్తుండడం తెలిసిందే. ఈ ఆందోళనలో భాగంగా ముఖ్యమంత్రి కార్యాలయం, నివాసం వద్ద ఆందోళనకు దిగిన కూటమి అగ్రనేతలను పోలీసులు అరెస్టు చేశారు. ఈ సందర్భంగా ప్రభుత్వ వైఖరిపై బాబు సహా కూటమి నేతలు నిప్పులు చెరిగారు.