జయలలిత దీక్ష ప్రారంభం

చెన్నై: లంకలో తమిళులకు సంఘీభావంగా అన్నాడిఎంకే అధినేత్రి జయలలిత చెన్నైలో సోమవారం ఉదయం నిరాహార దీక్ష ప్రారంభించారు. ఈరోజు సాయంత్రం 5 గంటల వరకు ఆమె ఈ దీక్షలో పాల్గొంటారు. లంకలో కాల్పుల విరమణ పాటించాలని ఆమె ఈ సందర్భంగా శ్రీలంక ప్రభుత్వాన్ని డిమాండ్‌ చేస్తున్నారు. ఆమెతో పాటు ఆ పార్టీ కార్యకర్తలు లంక తమిళులకు మద్దతుగా రాష్ట్రవ్యాప్తంగా నిరాహారదీక్షల్లో పాల్గొంటున్నారు.

విరాళాలు సేకరించి అక్కడి తమిళులకు పంపనున్నారు. ఇదిలాఉండగా 2002లో ఎల్టీటిఈకు మద్దతుగా మాట్లాడినందుకు గాను పీఎంకే అధినేత వైగోను అప్పుడు అధికారంలో ఉన్న జయలలిత 18 నెలలు జైల్లో పెట్టారు. ఇప్పడు ఆమే దీక్షలో కూర్చోవటం చూస్తే రాజకీయాల్లో ఏదైనా సాధ్యమే అన్పించక మానదు.