అల్లు అరవింద్ కు స్థానికేతర బెడద

అనకాపల్లి: ప్రజారాజ్యం పార్టీ అనకాపల్లి లోకసభ అభ్యర్థి అల్లు అరవింద్ కు స్థానికేతర సమస్య ఎదురవుతోంది. ప్రజారాజ్యం పార్టీ నుంచి లోకసభ అభ్యర్థిగా అల్లు అరవింద్ నామినేషన్ విషయం తెలిసిందే. స్థానికులు అల్లు అరవింద్ అభ్యర్థిత్వాన్ని వ్యతిరేకిస్తున్నారు. పార్టీ కార్యకర్తల నుంచే ఆయనకు వ్యతిరేకత ఎదురవుతుండడం విశేషం. ఒక స్వచ్ఛంద సంస్థ పని కట్టుకుని స్థానికేతర అభ్యర్థులకు వ్యతిరేకంగా ప్రచారం సాగిస్తోంది.

విశాఖపట్నం జిల్లాలో ప్రజారాజ్యం పార్టీ అధికంగా స్థానికేతర అభ్యర్థులను రంగంలోకి దింపింది. విశాఖపట్నం కాంగ్రెసు అభ్యర్థి పురంధేశ్వరికి కూడా స్థానికేతర సమస్య ఇబ్బందిగానే మారింది. అయితే ఎన్టీ రామారావుకు కూతురు కావడం కావడం ఆమెకు కలిసి వచ్చే అవకాశం ఉంది. దాదాపుగా ప్రధాన పార్టీలు స్థానికేతరులను విశాఖపట్నం జిల్లాలో అభ్యర్థులుగా నిలపడం చర్చనీయాంశంగా మారింది.