పెద్ద దర్గాలో రామ్ చరణ్ ప్రార్థనలు

కడప: తెలుగు సినీ హీరో, ప్రజారాజ్యం పార్టీ అధినేత చిరంజీవి తనయుడు రామ్ చరణ్ తేజా బుధవారం ఉదయం కడప జిల్లాలోని అమీన్ పీర్ దర్గాను సందర్శించారు. ఈ పెద్ద దర్గాలో ఆయన ప్రత్యేక ప్రార్థనలు నిర్వహించారు. తెల్ల పైజామా, తెల్ల కుర్తా, తలపై టోపీ ధరించి తేజా దర్గాలో ప్రార్థనలు చేశారు. ఆయనను చూసేందుకు పెద్ద ఎత్తున ప్రజలు తరలి వచ్చారు. వారిని అదుపు చేయడం పెద్ద కష్టంగా మారింది.

మగధీర సినిమా విడుదలవుతున్న నేపథ్యంలో ఆయన ఈ ప్రత్యేక ప్రార్థనలు నిర్వహించినట్లు చెబుతున్నారు. ఈ సినిమాపై రామ్ చరణ్ తేజా ఎన్నో ఆశలు పెట్టుకున్నారు. 1300కు పైగా ప్రింట్లతో ఈ సినిమా విడుదవులవుతోంది. ఈ సినిమాలో చిరంజీవి ఒక పాటకు నృత్యం చేసినట్లు చెబుతున్నారు. ప్రముఖ సంగీత దర్శకుడు రెహ్మాన్, బాలీవుడ్ నటులు అమితాబ్ బచ్చన్, అభిషేక్ బచ్చన్ తదితరులు ఈ దర్గాను సందర్శించారు. రెహ్మాన్ తరుచుగా ఈ దర్గాకు వస్తుంటాడు.