ఐష్, అభిలకు తప్పిన ముప్పు

తిరుచూరు: బాలీవుడ్ దంపతులు ఐశ్వర్యా రాయ్, అభిషేక్ బచ్చన్ లు గురువారం పెద్ద ప్రమాదం నుంచి బయట పడ్డారు. ప్రముఖ దర్శకుడు మణిరత్నం నిర్మిస్తున్న రావణ్ షూటింగ్ లో ఈ ముప్పు తప్పింది. ఈ చిత్రం షూటింగ్ కేరళలోని తిరుచూరులో జరుగుతోంది. ఈ చిత్రం కోసం తెచ్చిన ఏనుగు షూటింగ్ లో రణరంగం సృష్టించింది.

ఏనుగు కోపానికి గురైన మావటి అక్కడికక్కడికే మరణించినట్లు తెలిసింది. ఏనుగును అదుపు చేయడానికి చేసిన అతని ప్రయత్నం ఫలించకపోగా అతని ప్రాణాలే పోయాయి. ఈ సంఘటన జరిగినప్పుడు అక్కడికి అతి సమీపంలోనే ఐష్, అభిషేక్ లున్నారు. ప్రమాదం నుంచి వారు బయటపడడంతో షూటింగ్ సిబ్బంది ఊపిరి పీల్చుకున్నారు. ఈ సినిమాలో వారిద్దరు నటిస్తున్న విషయం తెలిసిందే.