బాబుపై డిసిపి తీరు దురదృష్ణకరం: స్పీకర్

హైదరాబాద్: ప్రతిపక్ష నాయకుడు నారా చంద్రబాబు నాయుడు పట్ల డిసిపి హరికుమార్ వ్యవహరించిన తీరు దురదృష్టకరమని శాసనసభ స్పీకర్ కిరణ్ కుమార్ రెడ్డి అన్నారు. సోమవారం చంద్రబాబు పట్ల డిసిపి వ్యవహరించిన తీరుపై తెలుగుదేశం శాసనసభ్యులు స్పీకర్ కు మంగళవారం ఉదయం ఫిర్యాదు చేశారు. అటువంటి సంఘటనలు పునరావృతం కాకుండా ఆదేశాలిచ్చినట్లు స్పీకర్ చెప్పారు. డిసిపిని పిలిపించి మాట్లాడుతానని ఆయన తెలుగుదేశం సభ్యులకు హామీ ఇచ్చారు. శాసనసభ విరామ సమయంలో డిసిపిని పిలిపించి మాట్లాడ్తానని ఆయన చెప్పారు. కాగా, మంగళవారం ఉదయం ప్రతిపక్షాలు ప్రతిపాదించిన వాయిదా తీర్మానాలను స్పీకర్ తోసిపుచ్చారు.

చంద్రబాబు సోమవారం మీడియా ప్రతినిధులతో మాట్లాడుతుండగా డిసిపి హరికుమార్ తోసివేశారు. మీడియాతో మాట్లాడవద్దని ఆయన చంద్రబాబును తోసివేశారు. తెలుగుదేశం శాసనసభా పక్షం కార్యాలయంలో కూడా మీడియాతో మాట్లాడవద్దని ఆయన చెప్పారు. దీంతో తెలుగుదేశం శాసనసభ్యులు తీవ్ర ఆగ్రహానికి గురయ్యారు. శాసనసభలో పోలీసు రాజ్యం సాగుతోందని వారు ఆరోపించారు.