మాజీ బాయ్ ఫ్రెండ్ పై రాఖీ దయ

ముంబై: కెనడా ఎన్నారై ఈలేష్ పరుంజన్వాలాతో నిశ్చితార్థం చేసుకున్న ఐటం గర్ల్ రాఖీ సావంత్ కు తన మాజీ బాయ్ ఫ్రెండ్ పై దయ కలిగింది. తల్లిపై మాత్రం కోపం పోలేదు. తమ పెళ్లికి తన మాజీ బాయ్ ఫ్రెండ్ అభిషేక్ అవస్థిని అహ్వానిస్తానని, తల్లిని మాత్రం పిలువబోనని ఆమె చెబుతోంది. అభిషేక్ అవస్థిని తాను పూర్తిగా క్షమిస్తున్నానని, అతను నిన్నటి వరకు తన బాయ్ ఫ్రెండ్ అని, ఈ రోజు నుంచి మిత్రుడని ఆమె అంటోంది.

తాను ఈలేష్ ను పెళ్లి చేసుకోవడానికి పూర్తిగా సిద్ధపడ్డానని, అయితే తనను అర్థం చేసుకోవడానికి ఈలేష్ కొంత సమయం కోరుతున్నాడని, అతనిపై తనకు విశ్వాసం ఉందని, అతను సమయం కావాలంటున్నప్పుడు తాను ఎలా బలవంత పెడతానని, అతను కోరుకున్నంత కాలం నిరీక్షించడానికి సిద్ధంగా ఉన్నానని ఆమె అంటోంది. అయితే ఆమె కెనడాకు తన మకాం మార్చడానికి మాత్రం సిద్ధంగా లేదు. తన కెరీర్ ముంబైతో ముడపడి ఉందని, అతను అందుకు అనుగుణంగా తన భవిష్యత్తును మార్చుకోవాల్సి ఉంటుందని ఆమె అంటోంది.కాగా ఇద్దరు కలిసి ఈలేష్ సోదరి పెళ్లి కోసం టోరంటో వెళ్తున్నారు.