నాంపల్లి కోర్టుకు రామోజీ హాజరు

హైదరాబాద్: మార్గదర్శి పైనాన్స్ కేసులో ఈనాడు గ్రూప్ సంస్థల అధినేత రామోజీరావు మంగళవారం స్వయంగా హైదరాబాదులోని నాంపల్లి కోర్టుకు హాజరయ్యారు. కేసు విచారణను కోర్టు వచ్చే నెల 17వ తేదీకి వాయిదా వేసింది. రిజర్వ్ బ్యాంక్ నిబంధనలకు విరుద్ధంగా మార్గదర్శి ద్వారా ఎక్కువ మొత్తంలో డిపాజిట్లు సేకరించారనే ఆరోపణపై రామోజీరావు మీద కేసు నమోదైంది.

వ్యక్తిగత హాజరు నుంచి మినహాయించాలని కోరుతూ రామోజీరావు దాఖలు చేసిన పిటిషన్ ను హైకోర్టు కొట్టేసింది. దాంతో కేసు విచారణను తన న్యాయవాదుల ద్వారానే నడిపించాలని ఆశించిన రామోజీరావుకు ఎదురు దెబ్బ తగిలింది. ఈ కారణంగా ఆయన మంగళవారం స్వయంగా కోర్టుకు హాజరు కాక తప్పలేదు.