అతని ఆస్తులు రూ. 25 కోట్లు

హైదరాబాద్: అవినీతి నిరోధక శాఖ (ఎసిబి) అధికారులకు అవినీతి తిమింగలం చిక్కింది. ఆదాయానికి మించి ఆస్తులున్నాయనే ఆరోపణపై ఎసిబి అధికారులు గురువారం గ్రేటర్ హైదరాబాద్ నగరపాలక సంస్థ (జిహెచ్ఎంసి) ఇంజనీర్ ఇంటిలో సోదాలు నిర్వహించారు. దాదాపు 25 కోట్ల రూపాయల మేరకు శివరాం కలిగి ఉన్నట్లు ఈ సోదాల్లో బయట పడింది. ఆయనకు పలు ఇళ్లు, భూములు, ప్లాట్లు, ఫ్లాట్లు ఉన్నట్లు ఎసిబి అధికారులు తెలిపారు. దాదాపు 73 తులాల బంగారం ఉన్నట్లు తెలుస్తోంది.

శివరాం బంధువుల ఇళ్లలో కూడా ఎసిబి అధికారులు సోదాలు నిర్వహిస్తున్నట్లు సమాచారం. శివరాంపై గతంలో కూడా ఆరోపణలు వచ్చాయి. బ్యాంకు ఖాతాలను ఎసిబి అధికారులు పరిశీలించాల్సి ఉంది. ఆయన డెబిట్, క్రెడిట్ కార్డులను కూడా కనిపెట్టే పనిలో వారున్నారు.