భారత విద్యార్థులకు పూర్తి రక్షణ: రుడ్

న్యూఢిల్లీ: తమ దేశంలోని భారతీయ విద్యార్థుల పూర్తి రక్షణకు చర్యలు తీసుకుంటామని ఆస్ట్రేలియా ప్రధాని కెవిన్ రుడ్ హామీ ఇచ్చారు. తమ దేశంలో చదువుతున్న విదేశీ విద్యార్థులందరికీ తగిన భద్రత కల్పిస్తామని ఆయన హామీ ఇచ్చారు. తమ దేశంలో చదువుతున్న ప్రతి విదేశీ విద్యార్థికి రక్షణ కల్పించే చర్యలన్నీ తీసుకుంటామని ఆయన చెప్పారు. సిఐఐ, ఫిక్కీ, అసోచమ్ ఏర్పాటు చేసిన సమావేశంలో ఆయన గురువారం మాట్లాడారు.

తమ దేశంలో చదువుతున్న భారత విద్యార్థులు భవిష్యత్తు భారత, ఆస్ట్రేలియా వ్యాపార సంబంధాలకు ప్రాతినిధ్యం వహిస్తారని ఆయన అన్నారు.తమకు భారతీయ విద్యార్థులు ఆహ్వానించదగిన అతిథులని, భారత విద్యార్థులందరికీ చేయూత అందించాల్సిన బాధ్యత తమపై ఉందని ఆయన అన్నారు.