అసెంబ్లీ ముట్టడి: ఎబివిపి కార్యకర్తల అరెస్టు

హైదరాబాద్: తెలంగాణపై బిజెపి అనుబంధ విద్యార్థి సంఘం ఎబివిపి బుధవారం ఉదయం శాసనసభను ముట్టడించింది. దాదాపు వంద మంది ఎబివిపి కార్యకర్తలు అకస్మాత్తుగా శాసనసభను ముట్టడించడంతో తీవ్ర ఉద్రిక్తత నెలకొంది. శాసనసభ ఆవరణకు పక్కన ఉన్న జూబిలీహాల్ వైపు నుంచి విద్యార్థులు రెండు విడతలుగా వచ్చారు. దీన్ని పోలీసులు ఊహించలేదు. దీంతో హఠాన్మపరిణామానికి అవాక్కయ్యారు.

తక్షణమే స్పందించిన పోలీసులు ఎబివిపి కార్యకర్తలను పోలీసులు అరెస్టు చేశారు. ఎబివిపి కార్యకర్తలను ఈడ్చుకెళ్లి వ్యాన్ ఎక్కించారు. విద్యార్థులు జై తెలంగాణ నినాదాలు చేశారు. తెలంగాణ ఉద్యమం ఊపందుకున్న ప్రస్తుత తరుణంలో బిజెపి కూడా ఉద్యమాన్ని అందుకుంది.