పొన్నాలపై తెలంగాణవాదుల ఆగ్రహం, బందోబస్తు

జనగామ: జనగామ పట్టణంలోని మంత్రి పొన్నాల లక్ష్మయ్య ఇంటి ఎదుట పోలీసులు భారీ బందోబస్తు ఏర్పాటు చేశారు. తెలంగాణ రాష్ట్రం కోసం రాజీనామా చేయాలని ఉద్యమకారులు ప్రజాప్రతినిధుల ఇళ్లను ముట్టడి చేస్తున్న నేపథ్యంలో స్థానిక పోలీసులు అప్రమత్తమయ్యారు. తెలంగాణ ఉద్యమం ఉద్ధృతమవుతున్న తరుణంలో పొన్నాల కనీసం నియోజకవర్గంలో పర్యటించకపోవడంతో తెలంగాణవాదులు ఆయనపై ఆగ్రహం వ్యక్తం చేస్తున్నారు.

కమిటీల పేరుతో కాలయాపన చే స్తోందని నిరసించిన తెలంగాణవాదులు దాడులకు పూనుకునే ప్రమాదముందని జనగామ పోలీసులు ముందుజాగ్రత్త చర్యలు చేపడుతున్నారు. పొన్నాల ఇంటిముందు బారికేడ్లు ఏర్పాటు చేసి ఎస్సై చేరాలు నేతృత్వంలో పోలీసు బందోబస్తు పెంచారు. కాగా, పొన్నాల ఇంటిపై ఉద్యమకారులు ఇప్పటికే మూడుసార్లు దాడికి విఫలయత్నం చేశారు.