మగధీర హిందీ రిమేక్ ను అడ్డుకుంటా: చారి

హైదరాబాద్: మగధీర హిందీ రీమేక్ చిత్రం విడుదలను అడ్డుకుంటానని చంఢేరి నవలా రచయిత ఎస్పీ చారి హెచ్చరిస్తున్నారు. తన నవల ఛండేరీ నవల ఆధారంగా ఈ సినిమా తీశారని, తనకు గుర్తింపు గానీ పారితోషికం గానీ ఇవ్వలేదని ఆయన సోమవారం మీడియా ప్రతినిధుల సమావేశంలో అన్నారు. చిరంజీవి తనయుడు రామ్ చరణ్ తేజా హీరోగా తెలుగులో ఈ సినిమా నిర్మించినప్పుడే తాను అభ్యంతరం చెప్పానని ఆయన తెలిపారు.

తనకు తగిన గుర్తింపు, పారితోషికం ఇస్తానని నిర్మాత అల్లు అరవింద్ హామీ ఇచ్చారని, ఈ మేరకు మెయిల్ కూడా పంపారని, కానీ ఆ హామీని నిలబెట్టుకోలేదని ఆయన అన్నారు. తన నవల ఆధారంగా సినిమా రూపొంది విజయం సాధించిందనే ఆనందం మాత్రమే తనకు మిగిలింది తప్ప గుర్తింపు గానీ పారితోషికం గానీ లభించలేదని ఆయన అన్నారు. అదే సినిమాను హిందీలో రీమేక్ చేశారని, ఆ సినిమా విడుదలను తాను న్యాయపరంగా అడ్డుకుంటానని ఆయన చెప్పారు.