హైదరాబాద్ పార్క్ ఆస్పత్రిలో పెను మంటలు

హైదరాబాద్: హైదరాబాదులోని సోమాజిగుడాలో గల పార్కు ఆస్పత్రిలో మంగళవారం ఉదయం భారీ అగ్ని ప్రమాదం సంభవించింది. దాదాపు 30 మంది రోగులు, సిబ్బంది ఈ ప్రమాదంలో గాయపడ్డారు. వారిని సమీపంలోని నిజాం వైద్య విజ్ఞాన సంస్థ (నిమ్స్)కు తరలించారు. ప్రమాదం గురించి తెలిసిన వెంటనే అగ్నిమాపక సిబ్బంది అక్కడికి చేరుకుని మంటలను అదుపు చేసే పనిలో మునిగిపోయారు.

మంగళవారం ఉదయం తొమ్మిదిన్నర గంటలకు అగ్నిప్రమాదం సంభవించగా, మంటలు అదుపులోకి రావడానికి గంట సమయం పట్టింది. ఈ అగ్ని ప్రమాదంలో సోమాజిగుడా ప్రాంతంలో తీవ్ర భయాందోళనలు చోటు చేసుకున్నాయి. ప్రమాదానికి కారణాలు తెలియడం లేదు.