హైదరాబాద్ లో రెండు అగ్నిప్రమాదాలు

హైదరాబాద్: నగరంలో శుక్రవారం రెండు అగ్నిప్రమాదాలు జరిగాయి. రాజేంద్రనగర్‌ బాబుల్‌ రెడ్డినగర్‌లోని మ్యాట్రిక్స్‌ ప్లాస్టిక్‌ కర్మాగారంలో శుక్రవారం అగ్నిప్రమాదం సంభవించింది. మంటలు పెద్ద ఎత్తున ఎగిసిపడుతున్నాయి. దీంతో ఆ చుట్టు పక్కల ప్రాంతం దట్టమైన పొగలు అలముకున్నాయి. సమాచారం అందుకున్న అగ్నిమాపక సిబ్బంది ఘటనాస్థలానికి చేరుకుని మంటలను అదుపు చేసేందుకు యత్నిస్తున్నారు.

మాదాపూర్‌ విఠల్‌నగర్‌ లోని ఫెడరల్‌ బ్యాంక్‌లో శుక్రవారం అగ్నిప్రమాదం జరిగింది. ఈ ఘటనలో ఏసీలు, ఫర్నిచర్‌ ధ్వంసం అయినట్లు సమాచారం. అగ్నిమాపక సిబ్బంది సంఘటనా స్థలానికి చేరుకుని మంటలను అదుపు చేస్తున్నారు. కాగా ప్రమాదానికి షార్ట్‌ సర్య్కూటే కారణమని పోలీసులు తెలిపారు.